PIV 2026 · Artikolo 16649
★virga
Derivaĵoj en la artikolo 9
★ virga
1 precipe homo ankoraŭ ne havinta seksajn rilatojn: ŝi estis ankoraŭ virga ALö prenu balzamon, ho virga filino de Egiptujo MT virino, kiu staras tie humila, senkulpa, pura, virga FSz
2 apartenanta al virga homo: ili palpadis ŝiajn virgajn mamojn MT kun via virga afableco avaru pli Z ruĝiĝantaj virgaj vangoj Z ho, nokte ŝia virga lito brulis KKa
3 ne esplorita aŭ ne kulturita: virga lando MLT virga siberia arbaro praarbaro B la tuta, virga naturo ŝajne ĝuis la plej profundan ripozon HLu
4 (figurasence) sendifekta; pura: la virga blankeco de la muroj B la plej blanka kaj plej virga neĝo de la mondo FSz super Betanio pendis la virga bluo de la ĉielo B
(figurasence) virga animo virgaj revoj
virgo virgeco.
Virgo
1 ASTR ekvatora konstelacio. Virgo
2 la sesa signo de la zodiako, tra kiu la suno pasas de la 23a de Aŭgusto ĝis la 23a de Septembro.
virgeco eco de virga estaĵo: konservi sian virgecon perdi sian virgecon oferi sian virgecon nun mankas ankoraŭ, ke ni elmetu por vendado nian virgecon Z mi alproksimiĝis al ŝi kaj ne trovis ĉe ŝi virgecon MT jen estas la signoj de virgeco de mia filino MT ŝi iris kaj priploris sian virgecon ploris pro tio, ke ŝi restis virga sur la montoj MT ➞ himeno 1.
virgina POEZ virgulina: virginaj buŝoj kun acerbo pura KKa vidante tiun virginan korpon subite senvualigitan, la kapitano puŝis blekegon HVa
virgino POEZ virgulino: al junul’ ŝajnas juna, ĉiu belvizaĝo, Samaĝulin’, al knabo, ĉiu belulino,Kaj al ĉastulo, ĉiu amatin’, virgino G la senmakula Virgino Maria FDi
virgulo virga persono: ili estas tiuj, kiuj ne malpuriĝis kun virinoj; ĉar ili estas virguloj NT vi, naiva virgulo obstine pudora VVi
virgulina rilata al virgulino: virgulina ĉasteco Z vian liton virgulinan mi okupos per forto Z
virgulino
1 virga virino: oni serĉu por la reĝo belajn junajn virgulinojn MT la plej juna reĝido edziĝis kun la bela virgulino B vi ne aspektas kiel sensperta virgulino CPi
2 (arĥaismo) needziniĝinta puberulino: jen virgulino gravediĝis, kaj ŝi naskos filon MT virgulino fianĉinigita kun viro, kies nomo estis Jozef NT estas diferenco ankaŭ inter edzino kaj virgulino NT
3 KRIS ofte majuskle tradicia alnomo de la patrino de Jesuo: preĝu al la Sankta Virgulino FE la virgulino Mario staris sur la altaro en natura grandeco Z