PIV 2026 · Artikolo 9518
1★logi
Derivaĵoj en la artikolo 19
1 ★ logi tr
1 iu peni altiri iun al si per karesa voko, per prezento de io bongusta aŭ agrabla k.s.: logi muson per lardo B logi knabeton per kuko logi knabon per dolĉa rigardo B se pekuloj vin logos, ne sekvu ilin MT
2 io prezenti al iu tian intereson aŭ plaĉon, ke tiu ĝin deziras: la tapiŝo estis dika , ĉio logis al dormeto Z la promeso de tiel franda titolo logis nun multajn en la arbaron Z en juneco logas, en maljuneco tedas Z beleco logas, virto apogas ĉe edziĝo Z espero logas, espero mensogas Z teatro tute ne logas min ➞ tiri 1, tenti.
logo altira forto de io, kio logas: kiel rezisti ŝiajn logojn? cedi al la logoj de aventuro ili ne plu sekvos la logojn de sia malbona koro MT la hom’, sekvinte ebrie logon de pasa ombro KKa la ĉefa logo de la kongreso estis la teatraĵo ➞ logbirdo.
logaĵo bongusta peco por logi 1: ili provizas la fiŝhokojn per logaĵo Z
logiĝi iĝi logata: la hundo logiĝis de la viandopeco
alloga kapabla allogi: ŝi estas riĉornama, alloga belulino KKa alloga spektaklo nur por fari allogan impreson eksteran Z
allogi logi iun al iu aŭ io: sed se li vin allogos al la maro ? Z eĉ per dolĉa kuko vi min ne allogos Z jen Mi allogos ŝin, kondukos ŝin en dezerton MT (figurasence) pli allogas kulero da mielo, ol da vinagro barelo Z famo kredon allogas Z propra supo brogas, fremda allogas Z
allogo altira forto de io, kio allogas: al tiu allogo la flegistino ne povis kontraŭstari Z
delogi logi iun al faro rigardata kiel malaprobinda: kia demono tiel vin delogis? Z
pli speciale al seksaj rilatoj la edzinon oni povas delogi FK delogi knabinon Z
delogado agado delogi: delogado de neplenaĝuloj
delogebla tia, ke oni povas lin aŭ ŝin delogi. ➞ koruptebla.
delogiĝi iĝi delogita: delogiĝi per ili vino kaj ebriiga trinkaĵo MT
ellogi eltiri aŭ elirigi iun aŭ ion logante: trompanto ellogas ŝin el la fidelaj brakoj de la sindona edzo Z
(figurasence) ellogi ies konfidon Z jam multe da scioj mi ellogis de l’ gardistoj Z
forlogi logante, deturni aŭ deflankigi iun: forlogi virtulojn al vojo malbona MT oni penas forlogi vin per iaj lertaj frazoj Z vi lasos forlogi vin kaj vi adorkliniĝos al aliaj dioj MT la plimultoj da ili estis forlogitaj de la ideo Z
forlogiĝi iĝi forlogita: se mia koro forlogiĝis al virino, MT
forlogiĝo ago forlogiĝi: forlogiĝoj de juna persono, kiu ankoraŭ nenion vidis kiu estas naiva Z
malloga tia, ke ĝi mallogas: li estis same maldika kaj malloga kiel senplumigita koko ALö
mallogi naski malplaĉon, maldeziron aŭ malinklinon en iu: li ĉiam mallogis min per siaj krudaj manieroj ekzistas arboj, same kiel homoj, kiuj mallogas de l’ unua rigardo Z ➞ abomeni, naŭzi.
nedelogebla tia, ke oni ne povas lin aŭ ŝin delogi: nedelogebla gardanto ➞ nekoruptebla.
seksalloga alloganta al seksumado.
tromplogi trompi iun logante: la serpento tromplogis min MT