PIV 2026 · Artikolo 16693

★viziti

Litero V★ Fundamenta

Derivaĵoj en la artikolo 10
  1. vizite
  2. vizito
  3. vizitad/i
  4. vizitad/o
  5. vizitant/o
  6. vizitej/o
  7. punviziti
  8. punvizito
  9. rondvizitad/o
  10. surprizvizito
★ viziti tr
1 iri en la hejmon de iu por tiun vidi: vi devus unu fojon viziti viajn gepatrojn Z antaŭ tri tagoj mi vizitis vian kuzon FE
(figurasence) en ĉi tiu nokto ŝin vizitis la marborda fantomo Z vivo, kiun ne vizitas la amo eĉ en sonĝo, — estas ankoraŭ pli malĝoja B
2 iri en la hejmon de tiu por tiun helpi, kuraci k.s.: ĉiun matenon la kuracisto vizitas siajn malsanulojn piaj virinoj, kiuj vizitas la malriĉulojn mi estis malsana kaj en malliberejo, kaj vi ne vizitis min NT
3 iri en iun lokon por ĝin trarigardi aŭ por ion partopreni tie: mi esperas viziti Romon ni haltos ankaŭ unu tagon, por viziti la ekspozicion Z li eliris kun la intenco viziti la foiron Z teatramanto ofte vizitas la teatron FE simplanimaj proletoj, kiuj neniam vizitas preĝejon, sed kondutas bonkore ELa viziti muzeon ĉiujare okazadis tre vizitata foiro Z ĝi estis tiam multe vizitata loko Z
4 MARN iri sur ŝipon apartenantan al alia regno por informiĝi pri ties karaktero kaj celo.
5 = (prefere) vizitadi 2.
vizite por viziti: la patrino venis tien vizite Z
vizito ago viziti:
1 ceremonia vizito formala vizito kondolenca vizito mia vizito faris al li plezuron FE oni donu ŝin al mi kiel memorigaĵon pri mia ĉitiea vizito Z fari longan, mallongan viziton
(figurasence) la preĝeja sonorilo ricevas vizitojn de la birdoj Z mizero faras viziton, ne atendante inviton Z
➞ vizitkarto.
2 la vizitoj en la hospitalo finiĝas je la 12a la kuracisto, kiu ripetadis siajn vizitojn ĉiutage Z pastra vizito
3 dum lia vizito en Oriento la vizito de la privataj apartamentoj de la kastelo okazas nur vendrede
4 rajto de vizito ne inkluzivanta la rajton de priserĉo
vizitadi
1 ofte aŭ regule viziti: mi vizitadis lin almenaŭ unu fojon ĉiujare Z
2 iri regule en iun lokon por tie lerni aŭ adori 1: infanoj nuntempe vizitadu gimnazion Z mi vizitadis plej ofte societajn kunvenojn B vizitadi kurson vizitadi klinikon vizitadi la lernejon Z kiu vizitadas preĝejon, tiu apenaŭ sentas sin soleca MKv
vizitado ago vizitadi: Ib devis nun komenci la vizitadon de antaŭkonfirmaciaj lecionoj Z doni al studento ateston pri vizitado
vizitanto iu, kiu vizitas: la domestrino ne invitis la vizitantojn pririgardi multajn ĉambrojn en ĉi tiu parto de la domo HLu la Vizitantinoj membroj de monaĥineja ordeno
vizitejo
1 loko, kiun oni ofte vizitas por plezuro: gajaj glasgovanoj faris tagajn ekskursojn al popularaj vizitejoj GMc Sin. turismejo.
2 ĉe turisma loko konstruaĵo por bonvenigi vizitantojn kaj doni informon pri la loko kaj ĝiaj agadoj.
3 en malliberejo k.s. speciala ejo, kie la malliberuloj k.s. povas renkonti vizitantojn.
punviziti BIBL viziti iun por puni la vizitaton: vekiĝu, por punviziti ĉiujn popolojn MT
punvizito BIBL ago punviziti: venis la tempo de punvizito MT
rondvizitado rondira vojaĝo por viziti lokojn, amikojn k.s.: rondvizitado de sanktejoj rondvizitado de la kuracisto, de la laktisto
surprizvizito
1 vizito surpriza, ĉar neanoncita: je la 24a de Februaro la grupo ricevis surprizviziton de la urbestro BriE dum la tuta konkurso Olimpiaj Ludoj oni intense timos surprizviziton de la terorisma organizo Al-Kaida MD
2 (evitinde) = surprizfesto.