PIV 2026 · Artikolo 1700

baso

Litero B

Derivaĵoj en la artikolo 5
  1. basa
  2. basul/o
  3. burd/a baso
  4. obstin/a baso
  5. ripet/a baso
baso MUZI
1 plej malalta tona amplekso, kiun povas havi instrumento aŭ voĉo: la malplej altaj registroj estas baso ĉe viroj kaj kontralto ĉe virinoj ILa ilia ritma bam-bam-bam de tamburoj aŭdiĝis nur kiel obtuza baso sub la zumo de voĉoj
2 voĉo kun la tona amplekso de baso 1: lia mola baritono moduliĝis al bonvola baso FSz
3 kantisto, kies voĉo estas baso 2: peza baso kantis pri sia amo al Tatiana SPo la basoj kaj la tenoroj havas malavantaĝojn kompare kun la baritonoj, kiuj ĉiam povas preskaŭ plene eluzi la tutan amplekson de sia voĉa registro ILa Sin. basulo.
4 instrumento kun la tona amplekso de baso 1: Karl Maybach ludas bason en la bando Ko aŭskulteblas instrumentoj kiel piano, drumo, baso kaj elektra gitaro Ko ➞ kontrabaso, basgitaro, tubjo.
basa
1 kun la tona amplekso de baso: eksonis tra la magazeno basa voĉo Z pludaŭris la basa, regula batado de la tamburoj ALö la voko estis jen tenora, jen basa, jen kontralta IYo basa klarneto
2 (evitinde) = malalta: venkis ne la rajtoj de honestaj homoj, sed la plej basaj, putraj, koruptaj agmanieroj GLe li sidigis en basa tajdo malalta tajdo la ŝipon HGK
basulo baso 3: la basulo por kontrasto enmurmuris la profundajn, mallumajn tonojn Z
burda baso MUZI tonika aŭ dominanta pedaltono, kiu persistas tra parto aŭ tuto de peco.
obstina baso MUZI = (prefere) ripeta baso.
ripeta baso MUZI mallonga temo ludata de basa instrumento, konstante ripetata, kun diversaj melodiaj aŭ harmoniaj akompanaĵoj.