PIV 2026 · Artikolo 17679

neŭrozo

Litero N

neŭrozo PSIK malorda stato kun sentaj kaj emociaj perturboj (angoro, obsedo, fobio k.s.), pri kies nenormaleco la koncernato konscias, kaj kiu ne malhelpas la koncernaton funkcii en la realo: psikologie suferas la popolo pro deprimado, psikaj traŭmatoj kaj diversaj neŭrozoj BSe histeria neŭrozo obseda neŭrozo angora neŭrozo ➞ angoro, anksio, fobio, psikozo; psikanalizo, psikologio.
psikoneŭrozo psika malorda stato (meza inter neŭrozo kaj psikozo), en kiu la konscio pri nenormaleco estas nek konstanta nek klara, kaj kun severaj simptomoj psikozecaj.