PIV 2026 · Artikolo 234

agrafo

Litero A

Derivaĵoj en la artikolo 5
  1. agrafi
  2. agrafiĝ/i
  3. agrafil/o
  4. agrafing/o
  5. malagrafi
agrafo
1 metala hoketo, kiu, eniĝante en ringeton (agrafingon), kunfiksas du randojn de vestaĵo aŭ tuko, la du finojn de kolĉeno k.s.: ŝi provis forpreni de mi la brakringon kaj rompis la agrafon ALö
2 = (prefere) krampo 2: dum la gluado de tavoloj de ligno oni uzis ĉirkaŭ 700 000 agrafojn JYS
3 HIST io simila al agrafo 1 por teni fermitaj la du rigidajn kovrilojn de libro.
4 LING en la vjetnama lingvo supersigno kun la formo de senpunkta demandosigno.
agrafi tr kunfiksi ion per agrafo 1: agrafi robon agrafi kolĉenon mi pasigis ĝin robon super la kapon de la knabino, kaj klopodis agrafi ĝin, alĝustigi ĝin OE
agrafiĝi iĝi agrafita.
agrafilo = (prefere) krampilo.
agrafingo ringeto, en kiun oni enigas agrafon.
malagrafi malfiksi ion eligante agrafojn el agrafingoj: malagrafi sian jupon malagrafi sian mamzonon