PIV 2026 · Artikolo 8593

★krampo

Litero K★ Fundamenta

Derivaĵoj en la artikolo 13
  1. krampi
  2. krampil/o
  3. angul/a krampo
  4. ekkrampo
  5. ferm/a krampo
  6. finkrampo
  7. interkrampa
  8. komenc/a krampo
  9. kun/ig/a krampo
  10. mal/ferm/a krampo
  11. rekt/a krampo
  12. rond/a krampo
  13. ŝraŭbokrampo
★ krampo
1 LING TIPO ĉiu el paro da skribaj kaj tipografiaj signoj — plej ofte ( kaj ) — kiuj montras ordinare la komencon aŭ finon de parentezo (intermetita klarigo aŭ komento): vi povas nur apud la diritaj vortoj skribi en krampoj ilian tradukon Z ni signas la fremdajn sonojn per literoj en krampoj Z ➞ angula krampo, kuniga krampo, rekta krampo, ronda krampo; komenca krampo, ferma krampo.
2 KOMU MEDI mallonga peco de fortika, metala drato kun orte fleksitaj ekstremaĵoj, per kiu oni trapikas paperfoliojn aŭ la randojn de vundo por kunfiksi ilin. Sin. vinkto. ➞ paperklipo, paperstifto; buko, pinglo, zipo.
3 KONS metala stango kun orte fleksitaj ekstremaĵoj, aŭ kurba peco de fero kun unu aŭ pluraj pintoj, per kiu oni kunfiksas ĉarpentaĵojn, masonaĵojn aŭ aliajn objektojn: kunigi du trabojn per krampoj multe da fero por najloj kaj por la krampoj pretigis David MT la braceleto konsistis el krono da larĝaj belformaj folioj interbukitaj per ronda glata krampo Z ŝi per la lignoŝuo enbatas unu krampon en la pordokadron HBu (analoge) la kovrilo de la kuirpoto estis hermetike fermebla per krampoj CRo ➞ hoko.
4 FIZI KEMI ilo por fiksi balonon, kondensilon k.a. sur stativo en laboratorio, konsistanta plej ofte el stango kun du makzeloj, inter kiuj la objekto estas tenata.
5 BOTA elkreskaĵo 2, per kies helpo rampaj aŭ grimpaj plantoj, algoj aŭ fungoj (inkl. likenojn) sin fiksas sur la substrato: krampoj de hedero estas adventivaj radikoj ➞ ĉiro 1.
krampi tr
1 fiksi ion per krampoj: krampi paperojn krampi ĉarpentaĵojn
2 (figurasence) forte alkroĉi ion: iometo da verdaĵo, forpelita sur la ŝtonegojn , sin krampis al la malpli altaj lokoj B (analoge) Sam retropaŝis kaj krampis siajn piedojn per stumpo por pli sekure tiri pezan ŝnuron WAu
krampilo ilo por krampi: oficeja krampilo bindista krampilo ĥirurgia krampilo
angula krampo TIPO ĉiu el la signoj < kaj >. ➞ malpliosigno, pliosigno.
ekkrampo TIPO komenca krampo.
ferma krampo TIPO krampo 1 montranta la finon de interkrampa teksto. Sin. finkrampo.
finkrampo TIPO ferma krampo.
interkrampa metita inter krampoj: interkrampa aldono OE interkrampe mencii la prononcon KRu
komenca krampo TIPO krampo 1 montranta la komencon de interkrampa teksto. Sin. ekkrampo, malferma krampo.
kuniga krampo TIPO ĉiu el la signoj { kaj }. Sin. vinkulo 2.
malferma krampo TIPO komenca krampo.
rekta krampo TIPO ĉiu el la signoj [ kaj ].
ronda krampo TIPO ĉiu el la signoj ( kaj ).
ŝraŭbokrampo TEKN juntopremilo uzata sur stablo por kunigi grandajn pecojn. ➞ vajco.