PIV 2026 · Artikolo 3209

diplomo

Litero D

Derivaĵoj en la artikolo 5
  1. diplomi
  2. diplomiĝ/i
  3. diplomiĝ/o
  4. diplomit/o
  5. diplomit/iĝ/i
diplomo
1 oficiala dokumento atestanta rajton, privilegion aŭ rangan titolon: pergamena diplomo papirusa diplomo diplomo pri nobeligo ➞ breveto, ĉarto.
2 skribita aŭ presita atesto, donita de lernejo, universitato k.s., ke la ricevinto sukcese plenumis ekzamenon kaj rajtas porti iun titolon: abiturienta diplomo diplomo pri licencio diplomo pri doktoreco la somera kunveno servas por disdono de diplomoj FK tiam la ekzamenito ricevas «diplomon Esperantan de la unua grado» Z
diplomi tr aljuĝi diplomon al iu: diplomi kandidaton diplomita instruisto de Esperanto
diplomiĝi iĝi diplomito: la juna pianisto, kiu baldaŭ diplomiĝos pri juro, parolis pri Esperanto OE li diplomiĝis en Usono kiel meĥanika inĝeniero RE! Sin. diplomitiĝi.
diplomiĝo ago diplomiĝi: post diplomiĝo mi dungiĝis al sekreta ŝtata oficejo GAr li fondis sian unuan entreprenon tuj post la diplomiĝo pri civila aviado FVa
diplomito persono, kiu akiris unu aŭ plurajn diplomojn pri difinita fako: universitataj diplomitoj statistike vivas pli longe PGu
diplomitiĝi diplomiĝi: Obama sukcese diplomitiĝis en la altprestiĝa leĝfako de la universitato de Harvard EBS li diplomitiĝis pri statistiko GRa