dispozici/o

1 Maniero, en kiu io estas aranĝita por iu destino; interrilata pozicio de la partoj: ŝanĝi la dispozicion de ĝardeno; studi la dispozicion (aranĝiĝon) de la steloj.

2 ♧ Tiu parto de la retoriko, kiu traktas la ordan aranĝon de kolektitaj ideoj, argumentoj aŭ pruvoj, k la uzadon de metodoj por akiri la atenton de publiko. ☞ invencio.

3 (ordinare plurale) Kio estas difinita, kiel esprimo de ies volo; plano, preparoj: la generalo faris siajn dispoziciojn por la batalo; testamentaj dispozicioj; la diversaj dispozicioj de la leĝo.

4 Temperamento, natura emo al (malsano, arto ks), natura stato, kiu kapabligas fari ion: la psikaj dispozicioj; oni ne heredas la kvalitojn mem, sed la dispoziciojn por ili; la dispozicioj devenas el la genotipo; li havas grandan dispozicion por la muziko. ☞ diatezo.