PIV Reta Vortaro

PIV 2020 · 4388

femur/o (femur, regio femoralis) Parto de la posta aŭ malsupra membro de vertebruloj, inter kokso k genuo: metu vian manon sub mian femuron ; k la femuro de Jakob elartikiĝis, k li lamis per sia femuro ; albrilis min marmorkolone la du femuroj kun la ombra mez’ . kruro, gambo.

femura. Rilata al la femuro: femura arterio.

femuraĵo Tiu parto de manĝebla besto: femuraĵo de koko, porko, bovo, kapreolo. klabo.

femuringo

1 Parto de la armaĵo, kiu ŝirmis la femuron.

2 Proteza aparato por femuro.

femurosto (femur, os femoris) Osto de la femuro, plej masiva osto de la homa skeleto; ĝia kapo artikiĝas kun la koksosto, ĝia bazo kun la tibio. fibulo, humero, tibio.

femurosta. Rilata al la femurosto: femurosta kapo, kolo.

ŝaffemuraĵo Femuro de ŝafo, preparita por la manĝo. ŝafklabo.