PIV Reta Vortaro

PIV · 8774

krur/o

1 Malsupra membro de dupiedulo, antaŭa aŭ malantaŭa membro de kvarpiedulo, aŭ membro de artropodo: unu fidas la krurojn de sia ĉevalo, alia siajn proprajn krurojn ; la hundoj regalis sin per kruroj k flugiloj de kokidoj; ĉio, kio havis facilajn krurojn, elkuris ; veturi sur sia paro da kruroj (piediri); ŝi sidiĝis en la aŭto kun ekbrilo de nilonaj kruroj; krurzono; ligna kruro (de kriplulo); sidi krurkruce. gambo.

2 (crus) Parto de la malsupra (aŭ malantaŭa) membro de la vertebruloj, inter genuo k piedo: la skeleto de la homa kruro konsistas el la tibio k fibulo. femuro, piedo.

3 Analoga parto ĉe objekto: la karnavala vergo saltis sur siaj tri lignaj kruroj ; la du kruroj de cirkelo; kruro de stablo. piedo.

krura. Rilata al kruro: krura regiono (regio cruralis); duonkrura ŝtrumpo por viroj.

kruraĵo Tiu parto de manĝebla besto: peklita kruraĵo de porko.

kruringo

1 Parto de la armaĵo, kiu kovris kruron.

2 Leda aŭ fortiktola krurvesto por rajdistoj . gamaŝo.

krurumo. Tiu parto de la pantalono aŭ de la boto, kiu kovras la kruron.

interkrurigi. Meti ĉiun el siaj kruroj ĉiuflanke de io: interkrurigi seĝon. rajdi.

unukrura. Havanta nur unu kruron.

kurbakrura. Havanta la krurojn ne rektajn.

ŝajnkruro Para abdomena alpendaĵo de la larvo de iuj insektoj, precipe lepidopteroj, sensegmenta, rolanta kiel kruro.