PIV 2026 · Artikolo 8775
★krusto
Derivaĵoj en la artikolo 10
★ krusto
1 KUIR ekstera parto de bakaĵo, malmoliĝinta pro kuirado: krusto de pano krusto de pasteĉo krusto de torto
3 malmoliĝinta parto, kiu formiĝas supraĵe de relative likvaj substancoj: la ŝlimo sub la suno kovriĝis per nigra krusto
4 GEOL terkrusto.
krustaĵo KUIR krakanta fritita krusto, en kiun oni enmetas viandaĵon kun saŭco: krustaĵo el kokidaĵo krustaĵo el koturnoj
krusteca
1 havanta econ de krusto, ekz. krakanta sub la dento. ➞ krokanto.
2 BOTA aspektanta kiel krusto: krusteca talo de likeno
krusteto KUIR fritita pantranĉaĵo, kiu garnas pladon: krustetoj kun soleaj fileoj bujabeso kun ajlitaj krustetoj
krustiĝi kovriĝi per krusto: krustiĝinta restaĵo de farbo
krustiĝo KEMI ELEK procezo, kiu okazas en akumulatoro dum longa periodo de neuzado aŭ neŝargo, kaj per kiu blanka tavoleto el plumba sulfato formiĝas sur la platoj.
krustulo ZOOL = (prefere) krustaco.
enkrusti tr inkrusti: lia korpo estas ebura, enkrustita per safiroj MT (figurasence) simboloj, kiuj enkrustis ĝiajn flankojn ALö
kaldronkrusto ŝtoneca krusto, kiu formiĝas en kaldronoj post ofta boligado de kalkohava akvo.
pan1krusto krusto 1.
terkrusto GEOL la supra solida tavolego 2 de la tero, kovranta la mantelon: oceana terkrusto sub la oceanoj, ĉ. 7–12 km dika kontinenta terkrusto sub la kontinentoj, 30–40 km, eĉ ĝis 70 km dika sub la montoĉenoj Sin. krusto 4. ➞ sialo, simo, tersurfaco.