PIV 2026 · Artikolo 15897

★tranĉi

Litero T★ Fundamenta

Derivaĵoj en la artikolo 31
  1. tranĉa
  2. tranĉo
  3. tranĉad/o
  4. tranĉaĵ/o
  5. tranĉil/o
  6. tranĉil/ar/o
  7. tranĉil/et/o
  8. tranĉit/a
  9. altranĉi
  10. ambaŭtranĉa
  11. cigartranĉil/o
  12. ĉirkaŭtranĉi
  13. detranĉa
  14. detranĉi
  15. detranĉaĵ/o
  16. distranĉi
  17. eltranĉi
  18. eltranĉo
  19. entranĉi
  20. entranĉo
  21. fortranĉi
  22. haktranĉil/o
  23. konturtranĉi
  24. mistranĉo
  25. pan1tranĉo
  26. pan1tranĉaĵ/o
  27. papertranĉil/o
  28. pritranĉi
  29. rultranĉil/o
  30. tratranĉi
  31. vejnotranĉo
★ tranĉi tr
1 penetri solidan korpon per ilo kun tre maldika rando: vi volis ĉe la razado tranĉi al mi la gorĝon? Z la knabo tranĉis al si la fingron, ludante per la sabro tranĉi rekte en la karnon proprasence ekz. ĉe operacio, aŭ figurasence per drasta rimedo Z (figurasence) tiu via sendankeco tranĉas al mi la koron ➞ sekci, tajli, tondi.
2 dividi solidan korpon en partojn per ilo kun tre maldika rando: tranĉi panon B la patrino tranĉis la rostaĵon tranĉi pomon en kvar partojn el fremda ledo oni tranĉas larĝe Z tranĉi la paĝojn de broŝuro
(figurasence) tranĉi la gordian nodon kiu komisias aferon al malsaĝulo,
Tiu tranĉas al si la piedojn MT
➞ haki.
3 traire disigi ion: nia ŝipo tranĉis la ondegojn de la Hinda Oceano SSz la sago tranĉis la aeron la vento tranĉis glacie tra la dikaj vestoj Z krioj tranĉis la noktan silenton
4 (figurasence) akre kaj dolore frapi la sensojn: ĝi la elparolo tranĉas nian orelon tiel terure, kiel se iu tirus karbon sur vitro Z misakcentado tranĉas nian orelon tiel terure, kiel se iu tirus karbon sur vitro Z la lumo al la proksime starantaj tranĉas la okulojn Z tranĉantaj koloroj B
5 LUDO dividi kartaron en du amasojn por elekti la disdonanton, eviti friponadon ktp.
6 SPOR ĉe teniso, kriketo k.s. bati la pilkon en difinita maniero.
7 MEDI sentigi akrajn kolikojn: tranĉas al mi en la ventro
8 MATE sekci 2: du aroj tranĉas unu la alian, se ilia komunaĵo ne estas malplena
tranĉa tia, ke ĝi tranĉas: hakilo estas tranĉa, sed ne cedas la branĉo Z la malvarmo estas tranĉa Z ho kruda Fato, tranĉa ĝis la osto KKa tranĉa respondo tranĉa kritiko
tranĉo
1 ago tranĉi: la okulo facile eliĝas per kelkaj tranĉoj SSz Alejandro tre lerte regis sian tranĉon. Li haltis, tuj antaŭ ol tute trapenetri la tegaĵon JBe (figurasence) la Estraro proponis diversajn tranĉojn en la buĝeto RE! ➞ tranĉmaniero.
2 vundo, fendo k.s. pro tranĉado: sur lia kapo estas longa tranĉo SSz Jenner infektis ok-jaran knabon per bovina variolo, uzante la enhavon de pustulo sur la mano de melkistino kaj enigante tiun materialon en supraĵan tranĉon ĉe la haŭto de la knaba mano VLe
3 tranĉaĵo: sur telero delikate elektitaj kolornuancoj: kukumo apud rondaj tranĉoj de kapsikoj SŠt
4 MEDI tre akra koliko.
tranĉado serio de la agoj, per kiuj iu tranĉas: tranĉado de ŝnuroj (figurasence) ni pene toleris la akran tranĉadon de la frosto
tranĉaĵo io, kio estis apartigita per tranĉo: tranĉaĵo el pano tranĉaĵo el kolbaso tranĉaĵo el viando
tranĉilo ilo kun akra rando por tranĉi: faru al vi ŝtonajn tranĉilojn, kaj cirkumcidu la Izraelidojn MT la romanoj sin razis per kupraj tranĉiloj eltiri sian tranĉilon Z metu tranĉilon al via gorĝo MT mi malfermos al ili per mia tranĉilo la ventron Z la tranĉilo estis tiel malakra, ke mi ne povis tranĉi per ĝi la viandon kaj mi devis uzi mian poŝan tranĉilon FE ne timu tranĉilon, timu babilon Z ➞ bisturio.
tranĉilaro en kuirejo, buĉejo k.s. garnituro el tranĉiloj.
tranĉileto
1 malgranda tranĉilo: tranĉileto de skribisto MT tranĉileto, kiun oni uzus por dispecigi mortan ŝafon ALö
2 skalpelo: la doktoro ekzamenis kelkajn tranĉiletojn kaj ĥirurgiilojn HBu
tranĉita HERA dividita al du egalaj partoj per unu horizontala linio.
altranĉi (arĥaismo) = tajli 2: mi povus altranĉi kolumon, eble eĉ ĉemizon Z
ambaŭtranĉa tia, ke ĝi tranĉas per ambaŭ flankoj: ambaŭtranĉa glavo MT (figurasence) ambaŭtranĉa kritiko
cigartranĉilo malgranda aparato uzata por detranĉi la finon de cigaro antaŭ ol ĝin fumi.
ĉirkaŭtranĉi fortranĉi ĉirkaŭaĵn partojn: la salika branĉo tie ekstere fariĝis belega arbo, libera kaj ne ĉirkaŭtranĉita ĝi tie staris Z
detranĉa rilata al detranĉo: apartigu la abonilon laŭ la detranĉa linio
detranĉi apartigi ion tranĉante: ili detranĉis tie branĉon kun unu peniko da vinberoj MT se via dekstra mano faligas vin en pekon, detranĉu kaj forĵetu ĝin NT kiu havas detranĉitan seksan membron, tiu ne povas eniri en la komunumon MT li nerimarkite detranĉis anguleton de la vesto MT en formo de detranĉita piramido B (proprasence kaj figurasence) dek fojojn mezuru, unu fojon detranĉu Z
(figurasence) pecon detranĉitan al la pano ne regluu ne eblas reamikiĝi post rompo Z la nunaj cirkonstancoj detranĉas min de la tuta mondo Esperantista Z
detranĉaĵo io, kio estas detranĉita: detranĉaĵoj de kuirpreta kokido
distranĉi disigi ion tranĉante: tia sento, kian havas la angilo, kiam oni ĝin distranĉas kaj metas en la kaserolon Z li prenis tranĉilon, prenis sian kromedzinon kaj distranĉis ŝin kun ŝiaj ostoj en dek du partojn MT li distranĉis ilin bovinon, kaprinon, ŝafon laŭ la mezo MT la monstro distranĉis la ligilojn de la malliberulo Z
(figurasence) herbejo, distranĉita de blua rivereto B Hamleto! Vi distranĉas mian koron! Z
eltranĉi
1 doni formon al io fortranĉante de ĝi pecetojn: en la balkono estis eltranĉita karikatura vizaĝo Z fluto, kiun li eltranĉis al si el ŝafa osto Z ➞ ĉizi.
2 apartigi parton el folio 2 per tondilo: rimarkinda malnova urbo, kvazaŭ eltranĉita el bildolibro Z
eltranĉo
1 ago eltranĉi.
2 eltranĉita parto: la gazetan eltranĉon mi hodiaŭ resendis al Vi Z junulo
Ĉe fenestrokovrila eltranĉo ekstaris G
elektronikaj muzikaĵoj, en kiuj ofte estas eltranĉoj de paroladoj enmiksitaj Ko
3 BIOL forigo de parto de makromolekulo (proteino, nuklea acido ktp): en multaj RNA de eŭkariotoj, post eltranĉo de intronoj, ekzonoj estas kunigitaj en mesaĝan RNA
entranĉi tr enigi tranĉilon en ion: entranĉi arboŝelon entranĉi epidermon ➞ incizi, noĉo.
entranĉo
1 ago entranĉi.
2 malfermaĵo kreita per entranĉo 1: sur sia korpo ili ne faru entranĉojn MT akraj ŝtonoj faris etajn, blankajn entranĉojn sur la supra ledo de liaj marŝoŝuoj FSz la aparaton oni enigas en la korpon per entranĉo ĉe la suba parto de la abdomeno JCM
➞ incizo.
fortranĉi forigi per tranĉado: fortranĉu viajn harojn, ĉar vi estas edzinigita virino! Z fortranĉi ekstremon de bastono B
(figurasence) de sur la tero de vivantoj li estas fortranĉita MT la stabo estis fortranĉita de sia korpuso B necesos pli fortranĉi publikajn elspezojn PGu
haktranĉilo tranĉilo kun larĝa kaj peza klingo, uzata de buĉistoj, lignaĵistoj, vojaĝantoj en ĝangalo k.a.
konturtranĉi altranĉi ŝtofon laŭ ŝablono.
mistranĉo
1 ago de iu, kiu tranĉas ion mise.
2 BELE speco de vortludo inter du vortoj, kiuj sonas same sed estas malsame kunmetitaj (ekz. amuzo kaj am-uzo; pied-iranto kaj pie-diranto). Sin. kalemburo.
pan1tranĉo, pan1tranĉaĵo platforma peco detranĉita de pano: fritita pantranĉo rostita pantranĉo ➞ sandviĉo, toasto 1.
papertranĉilo tranĉilo el eburo, ligno k.s. por tranĉi la foliojn de broŝurita libro, malfermi kovertojn k.s.
pritranĉi trakti ion per tranĉado: la knabo pritranĉadis pecon da ligno Z (analoge) li pritranĉis grandan lignan krucon Z ➞ cizeli, ĉizi, skulpti, tajli.
rultranĉilo ruleto 2.
tratranĉi trae tranĉi ion: oni trovis Mortenon kun tratranĉita gorĝo Z popolo , kies landon tratranĉas riveroj MT ➞ skarifiki.
vejnotranĉo flebotomio.