PIV 2020 · 7141
★kaldron/o
★kaldron/o
1 Granda metalvazo por kuiri, boligi ks: bierfara kaldrono Z; lava kaldrono Z; kaldrono ridas pri poto, k mem estas kota Z; ne batalu pot’ el tero kontraŭ kaldrono el fero Z (ne ataku pli fortajn ol vi); ne helpas glorkrono al malplena kaldrono Z. ☞ kuirvazo.
2 🌄 Ronda k kruta valo.
kaldrona. Rilata al kaldrono: kaldrona krusto.
kaldronego. Granda ujo, en kiu oni vaporigas akvon, por funkciigi vapormaŝinojn: tubara kaldronego.
kaldronejo
1 Loko, kie oni fabrikas kaldronojn.
2 Loko en domo, ŝipo k.a., kie staras vaporkaldronego.
kaldronisto. Laboristo, kiu prilaboras kaldronojn k.a. kuprajn objektojn.
hejtkaldrono. Kaldronego de centra hejtado.
vaporkaldrono = kaldronego.