PIV 2026 · Artikolo 16453
1★vazo
Derivaĵoj en la artikolo 9
1 ★ vazo
1 ujo el diversaj materioj, de diversaj formo kaj grando, destinita enteni likvajn aŭ solidajn substancojn: vazo rompita longe sin tenas Z prenu unu vazon kaj enmetu tien plenan omeron da manao MT homoj, kiuj havas abomenindan supon en siaj vazoj MT ne ŝovu nazon en fremdan vazon Z mi alportis arĝentan vazon speciale por tio, por doni trinki al tiu ĉi sinjorino! FE oraj vazoj artiste faritaj Z la vazoj , kiujn Nebukadnecar estis elportinta el Jerusalem MT la leĝo de la komunikiĝantaj vazoj la pentraĵoj de la antikvaj grekaj vazoj ruĝaj sur nigra fono, aŭ inverse ĉina vazo ➞ kruĉo, marmito, poto, sitelo, tino 1, urno; ceramiko, trinkvazo, vazlavisto.
2 BIBL persono rigardata kiel ricevanto aŭ elmontranto: li estas elektita vazo por mi NT Dio toleris kun plena pacienco vazojn de kolero, taŭgajn por pereo NT
vazaro tuto de la vazoj uzataj en unu domo.
fandovazoKEMI TEKN vazo el fajrorezista tero, en kiu oni fandas mineralojn. Sin. krisolo.
kuirvazo speciala vazo el metalo aŭ argilo por kuiri: bonega kuirvazo Z ➞ brezujo, kaldrono, kaserolo, marmito, pato 1, poto, stufujo, sufleujo, uoko, vadjango.
manĝovazo vazo uzata por manĝi: kiam la sklavoj forprenis la manĝovazojn, li endormiĝis LiZ
mezurvazo vazo por mezuri volumenon, uzata en ĥemia aŭ fizika laboratorio, aŭ en komercado, ekzemple por mezuri grenon: la fundo de la mezurvazo MT
noktovazo vazo por kolekti la urinon dum la nokto.
trinkovazo vazo uzata por trinki: ĉiuj trinkvazoj de la reĝo Salomono estis el oro MT
trinkovazetomalgranda ujo, en kiu enkaĝigita birdo povas trinki akvon: ĝi servos kiel trinkvazeto por birdo Z ➞ trogeto.