PIV 2026 · Artikolo 4451

★fibro

Litero F★ Fundamenta

Derivaĵoj en la artikolo 11
  1. fibra
  2. fibret/o
  3. fibriĝ/i
  4. disfibri
  5. disfibriĝ/i
  6. mikrofibret/o
  7. muskol/a fibro
  8. muskolfibret/o
  9. nerv/a fibro
  10. optik/a fibro
  11. vitr/a fibro
★ fibro
1 ANAT BIOL filamento aŭ filamenta ĉelo, kiu en laŭlonga kunmeto kun samspecaj fibroj konsistigas iujn histojn de bestoj kaj vegetaĵoj: la kolagenaj fibroj kaj la elastaj fibroj en la interstica substanco de la kuniga histo donas al ĝi rezistecon kaj flekseblecon lignon oni devas segi transverse al la fibroj fibroj de silka fadeno (figurasence) ekkoni ĉiujn fibrojn de la homa koro ni protestas per ĉiuj fibroj de nia koro! Z ➞ fibrino, fibrinogeno, fibromo.
2 GEOL ĉe iuj mineraloj elemento simila al fibro 1: asbesto konsistas el blankaj fibroj
3 TEKN artefarita produkto samforma kiel fibro 1: nilona fibro
4 MATE malbildo de punkto.
fibra rilata al aŭ konsistanta el fibro: fibra viando MATE fibra spaco
fibreto
1 eta fibro: mikroskopajn fibretojn, kiujn ni trovis sur la vestoj CPi
2 BIOL longa elemento, glata aŭ striita, de la muskolaj fibroj: la fibretoj estas la efikantoj de la kuntiriĝo Sin. muskolfibreto.
fibriĝi iĝi tia, ke la fibroj apartiĝas el la tuto.
disfibri tr apartigi la fibrojn disde la cetero de ŝtofo.
disfibriĝi disiĝi en apartajn fibrojn: (figurasence) sonĝoj disfibriĝas for se oni ne fiksas ilin tuj surpapere CPi
mikrofibreto BIOL mikroskopa ĉela fibreto: celulozaj mikrofibretoj de la vegetaĵa ĉelo
muskola fibro ĉelo kun glataj fibretoj (glata fibro) aŭ sincitio kun fibretoj formitaj el diskoj alterne helaj kaj malhelaj (stria fibro).
muskolfibreto fibreto 2.
nerva fibro aksono de neŭrono, ĉirkaŭita de ingo kun aŭ sen mjelino.
optika fibro fibro 3 el vitro, plasto, silico k.s., uzata por transsendi bitigitajn informojn per lumo.
vitra fibro fibro 3 el vitro, uzata por doma izolado kaj por armaturi plastaĵojn.