PIV 2026 · Artikolo 4490
★filiko
Derivaĵoj en la artikolo 7
★ filiko BOTA vaskula planto, herbo ĝis arbo, plurjara, kun rizomoj; kun plumaj aŭ foliaj frondoj kiuj junstadie evoluas el spiralo; kiu reproduktiĝas per sporoj eligitaj de sporujoj sur la malsupro de la frondoj; mankas floroj kaj semoj. membro de la divizio Polypodiophyta (filikoj) el la regno Plantae Sin. filikopsido.
aglofiliko filiko, tutmonda, kun invada rizomo, kun altaj, staraj, triangulaj frondoj; rizomo pasintece manĝata, hodiaŭ konata kiel hepatotoksa kaj kanceriga. genro Pteridium Sin. pteridio. ➞ denstetiaco.
alkokorna filiko filiko kun frondoj en la formo de ramuro; orname kultivata, el Oceanio kaj Afriko. specio Platycerium bifurcatum Sin. alkokorna platicerio.
arbofiliko tropika arbeca filiko (ĝis 20 m alta) precipe el la montaj arbaroj.
harfiliko filiko, precipe el tropika Ameriko, ofte kun folioj plurope plume dividaj; ĝenerale orname kultivata, ofte en forcejoj. genro Adiantum Sin. adianto. ➞ pteridaco.
reĝfiliko speco de filiko el la mezvarmaj humidaj regionoj; kun frondoj komence kovritaj de flave brunaj haroj, kiuj rapide malaperos, lasante glatan, pale verdan folian surfacon. specio Osmunda regalis Sin. reĝa osmundo.
vezikfiliko malgranda filiko, kun tre maldikaj plume dividaj folioj kun rondformaj soroj unuope kovritaj de ovala kapuĉoforma defalema induzio; el la varmaj kaj mezvarmaj regionoj. genro Cystopteris Sin. cistopterido.