PIV 2026 · Artikolo 4643
★fojo
Derivaĵoj en la artikolo 37
★ fojo ĉiu el la okazoj, kiam io okazas: mi legis la artikolon du fojojn la koko kriis je la tria fojo sep fojojn virtulo falos, kaj tamen leviĝos MT dek fojojn mezuru, unu fojon detranĉu Z konstanta regulo estas mil fojojn pli bona Z ĉiun fojon, kiam mortas bona infano, anĝelo malleviĝas sur la teron Z tio ĉi estis la unua fojo, ke ŝi nomis ŝin sia filino FE je la unua fojo Z je la lasta fojo FE la unuan fojon nun la gajeco de la infano faris preman impreson sur Marta Z atendu ĝis la venonta fojo!
foj’
1 fojo.
2 (arĥaismo) = foje: rapidu, rapidu kun via laboro,Ke povu mi foj’ je eterne ekdormi Z foj’ en la arbaro sole mi iris G
foje
1 en iu tempo ne klare difinita: foje, antaŭ tri jaroj, li estis devigita pasigi la nokton en gastejo B kiam ŝi foje estos hejme, mi forkaptos ŝin LiZ li hontas ne rekonante la vizaĝon de la viro, kiu foje venis por savi lin AKr tiel okazis, ke foje li mortis dum flugatako FSz foje mi malvarmumis kaj dum tri tagoj kuŝis en febro SSz Sin. unu fojon 1.
2 kelkfoje; iafoje: homoj foje vidas strangajn aferojn, se ili restas tro longe sub la suno ALö foje Eriko kaj Johano studas kune, sed plej ofte Eriko laboras memstare SEn se oni foje gratulas min aŭ iun alian pro bona prononcado de Esperanto, tio signifas ke mi, aŭ li, sukcese liberiĝis el la fonetikaj katenoj de la gepatra lingvo JWe li foje rimas nur per gramatikaj finaĵoj MBo
foje-foje (malofte) fojfoje: la nubego grumblis kaj foje-foje lasis fali fajrajn fadenojn SPo
fojfoje en kelkaj sporadaj okazoj; de tempo al tempo: kreskas la nombro de kursoj en lernejoj , fojfoje sub la gvido de eksterlandanoj ULi fojfoje eĉ la esperantistoj bezonas interpretistojn DBl Sin. iafoje, iufoje.
alifoje je alia fojo: ofte li ne respondadis al demandoj, alifoje li iĝadis kolera LiZ
ankoraŭfoje je ankoraŭ unu fojo; denove: se vi parolos tiel ankoraŭfoje, mi devos puni vin SEn la lingvoscienco — kun kelkaj esceptoj, estu ankoraŭfoje dirite — ignoras tiun fakton ILa ➞ refoje.
ĉi-foje je tiu ĉi fojo: li volis kanti plu siajn versaĵojn, la grekajn ĉi-foje LiZ denove venis la kreskanta doloro, sed ĉi-foje ŝi bonvenigis la doloron ALö
ĉiufoje je ĉiu fojo; en ĉiu ripetita okazo: ĉiufoje, kiam la larmoj de avineto falas sur la floron, ĝia koloro fariĝas pli freŝa Z
iafoje fojfoje: iafoje oni devas okulon fermeti Z mi mem ankaŭ de nun iafoje uzados la prefikson en tiu ĉi senco Z
iks-foje en nekonata aŭ nespecifita nombro da okazoj.
iufoje fojfoje: oni ja devas iufoje ion toleri Z iufoje vojo ŝajnas ĝusta al homo, Kaj tamen MT
kelkfoje, kelkafoje en kelkaj difineblaj okazoj:li premis al sia amiko kelkfoje la manon Z la rabeno, ne kapabla paroli, kelkfoje movis sensone la lipojn Z Martan li vidis kelkfoje en sia domo Z kiel Vi kelkfoje skribis en Viaj leteroj Z lia fianĉino havis kelkafoje neordinarajn kapricojn HVa li aŭskultis, interrompante kelkafoje por starigi demandon ALö
kiomfoje
1 kiom da fojoj: kiomfoje povu peki mia frato kontraŭ mi, kaj mi pardonu lin? NT kiomfoje ni knaboj devis reaŭskulti vian rakontadon ! VVi ĉiu delegito havas tiom da voĉoj, kiomfoje po 25 anoj havas la grupoj aŭ societoj, kiujn li reprezentas Z
2 (arĥaismo) = ĉiufoje, ke; ĉiun fojon, kiam: kiomfoje la ŝafisto malsatis, li buĉis unu el la ŝafoj LiZ
lasta fojo
1 la lasta el ĉiuj eblaj fojoj: je la lasta fojo mi vidas lin ĉe vi neniam plu revidos lin FE li rigardas la lastan fojon al la malnova hejmo Z
2 la lasta el la jam okazintaj fojoj: je la lasta fojo mi vidis lin ĉe vi eble mi revidos lin ĉe vi aŭ ĉe aliaj personoj mi havis feliĉon depost la tago, kiam mi estis ĉe vi la lastan fojon Z
lastafoje je la lasta fojo:
1 Ramzes lastfoje forlasis sian palacon, rapidante al sia tombo B
2 tie staris Anjo kun ora krono sur la kapo, kiel li vidis ŝin lastfoje Z
multfoje en multaj okazoj: li multfoje tralegis la leteron Z Johano kisis lin multfoje Z
per unu fojo
1 farante nur unu provon kaj ne allasante alian: mi proponis reformojn , por fini la malagrablan demandon per unu fojo Z volo ne povis fari tion, ke menso neinstruita penetru per unu fojo la misterojn de la scienco Z fariĝi per unu fojo patro de ia infanaĉo edziĝante al la patrino vidva Z
2 atingante du (aŭ plurajn) aferojn per unu sola provo: ŝi naskis du infanojn per unu fojo aĉetantoj prenantaj ne malpli ol 20 ekzemplerojn per unu fojo Z
plurfoje en pluraj okazoj: li estis plurfoje honore menciita li plurfoje ŝanĝis siajn tiurilatajn konkludojn ILa
refoje ankoraŭ unu fojon plie: dancu plu, denove kaj refoje! Z refoje grandsukcesa estis Pupteatra Festivalo en oktobro 1971 post antaŭaj similaj ULi soldatoj fosis, fosis, fosis refoje. Kaj refoje vane CPi ➞ ankoraŭfoje.
sepfoje sep fojojn: arĝento, purigita kaj sepfoje refandita MT
unuafoja, duafoja, triafoja (ktp) okazanta je la unua, dua, tria ... fojo: neniu, kiu havus sukceson en la provo unuafoja Z unuafoja prezentado
unuafoje, duafoje, triafoje (ktp) je la unua, dua, tria ... fojo: unuafoje aktori elirinte unuafoje en nekonatan mondon Z la malfeliĉo ne bezonas veni duafoje MT Johano triafoje subakvigis la birdon Z
unufoja, dufoja, trifoja (ktp) okazanta unufoje, dufoje, trifoje ...: li estas nur unufoja mensoginto FE fini la malpacojn per unufoja reformo dufoja manĝado en ĉiu tago dufoja rikoltado en ĉiu jaro
unufoje, dufoje, trifoje, dekfoje, centfoje, milfoje (ktp) en unu fojo, en du, tri ... fojoj: unufoje ŝtelinta restas ĉiam ŝtelisto Z ankoraŭ unufoje! aŭdinte sian dufoje vokitan nomon Z la sonĝo dufoje ripetiĝis al Faraono MT mi jam dufoje ripetis tion al vi! trifoje ripetita rimo trifoje stulta! ĉu mi ne skribis al vi tion trifoje ? MT vi ŝanĝis mian laborpagon dekfoje MT milfoje malbenita estu la intergenta malamo Z ➞ obl-.
unu fojon
1 foje 1: en la granda salono de sia domo sidis unu fojon Rabbi Abraham Z unu fojon la reĝino veturis tra la lando Z ➞ iam.
2 unu solan fojon: la folioj, kiuj unu fojon defalis, neniam plu elkreskis denove Z unu fojon ŝtelis pomon kaj perdis por ĉiam honestan nomon Z por ke ni povu unu fojon por ĉiam meti finon al la pereiga demando pri ŝanĝoj Z
3 unu fojon inter aliaj: ankoraŭ unu fojon! Z mi estas devigata almenaŭ unu fojon publikigi eltiron Z enkonduki novajn tabeletojn da neologismoj mi konsilas ne pli ofte ol unu fojon en kvin jaroj Z