PIV 2026 · Artikolo 5036

★garantii

Litero G★ Fundamenta

Derivaĵoj en la artikolo 9
  1. garantia
  2. garantie
  3. garantio
  4. garantiad/o
  5. garantiaĵ/e
  6. garantiaĵ/o
  7. garantiant/o
  8. garantiul/o
  9. malgarantio
★ garantii
1 por, pri preni sur sin la respondecon de alia persono pri io aŭ iu: prenu la veston de tiu, kiu garantiis por aliulo MT homo malsaĝa garantias por sia proksimulo MT sendu la knabon kun mi, mi garantios por li MT garantii por arestito
(analoge) garantii pri la pagado de mendo garantii pri la kvalito de varoj garantii pri la ĝusteco de informo garantii por prunto ne estu inter tiuj ,
Kiuj garantias por ŝuldoj MT
(figurasence) mi tute ne garantias pri tio, kia ŝi fariĝos en la estonteco Z la nomo de la aŭtoro garantias pri la valoro de la verko
kiu garantias, trankvilon ne scias Z ➞ kaŭcii.
2 ke aserti sub sia respondeco, ke io certe okazos: la netuŝebleco de la fundamento garantios al ni , ke tiu perfektiĝado fariĝados FA garantii al la akcianoj, ke ilia mono estos bone administrata Z nenio garantias, ke ĝi subite ne estos forĵetita Z mi donos klarigon , ne garantiante, ke mia klarigo taŭgos por ĉiuj okazoj Z
3 tr certigi al iu la posedon de io: la firmo garantias al li la minimumon de 5000 Z ĝi povas en ĉiu tempo ĉesi garantii al mi la sumon Z
(figurasence) tion ĉi garantias al ni ne sole la konata energio kaj sindoneco de niaj britaj amikoj, sed ankaŭ la karaktero mem de ilia lando Z registaroj garantios al Esperanto tute certan vivon FA tiu metodo garantias al ĉiu lernanto rapidajn progresojn
➞ asekuri.
4 tr gardi iun aŭ ion de ia maloportunaĵo: edziĝo najbara garantias de eraro Z kontraŭ la milita servo? Li estas ja garantiita Z sufiĉa komuna forto, por garantii la estontecon de nia afero Z hereda lingvo havas vivon multege pli garantiitan kaj neestingeblan, ol senpopola lingvo Z
garantia rilata al garantio: garantia fonduso
garantie kontraŭ garantiaĵo: garantie liberigu Vian sklavon MT
garantio
1 promeso kaj respondeco de iu, kiu garantias: vendi varon kun garantio vendi varon sen garantio kiu donis garantion, tiu pagu la ŝuldon Z disputu pri ĉio, sed sen garantio Z kian garantion havos nia afero, ke la ĉiujaraj pagoj estos konstantaj ? Z se vi povas doni al mi plenan garantion, ke la franca registaro tuj akceptos Z starigi ion sub la garantio de siaj registaroj Z ➞ garantidoni, garantipruntisto; avalo.
2 nepra certigo: konkordo estas la plej certa garantio de senduba sukceso Z nun ni havas fine la garantion de bona estonteco Z
3 rimedo, kiu gardas kontraŭ maloportunaĵo: la konstituciaj garantioj pri la rajtoj de nacio la individuaj garantioj pri la sekureco de ĉiu civitano
garantiado ago de iu, kiu daŭre garantias: li havos la rajton ĉesigi la garantiadon, avertinte min 2 jarojn antaŭ la ĉesigo Z
garantiaĵe doni aŭ preni kiel garantiaĵon: ne prenu garantiaĵe veston de vidvino MT ni pruntas monon , donante garantiaĵe niajn kampojn MT
garantiaĵo objekto aŭ monsumo, asignita por konfirmi la akceptitan respondecon, kaj akirota de la kontraŭulo en okazo de neplenumo de la promeso: oni prenas kiel garantiaĵon la bovon de vidvino MT meti kiel garantiaĵon doni kiel garantiaĵon Z preni kiel garantiaĵon MT iu redonas al la ŝuldanto lian garantiaĵon MT ➞ hipoteko.
garantianto iu, kiu garantias.
garantiulo JURO persono tenata kiel garantio de plenumota promeso aŭ kaptita por premi al plenumo de postuloj, ĉu en la kadro de militaj aŭ politikaj agadoj, ĉu en rilato kun iu krimo (ŝtelo k.s.): preni garantiulojn MT ekzekuti garantiulojn (figurasence) la propra intereso estas la plej bona memoriganto kaj garantiulo Z Sin. ostaĝo.
malgarantio deklaro, ke oni ne povas ion garantii: malgarantio pri la ĝusteco de informoj en publike redaktebla retejo