PIV 2026 · Artikolo 5243

1★glata

Litero G★ Fundamenta

Derivaĵoj en la artikolo 10
  1. glate
  2. glati
  3. glataĵ/o
  4. glatec/o
  5. glatig/i
  6. glatiĝ/i
  7. glatum/i
  8. malglata
  9. malglataĵ/o
  10. neglata
1 ★ glata
1 prezentanta nenian elstaraĵon sur sia supraĵo; tia, ke la mano tie facile glitas: glata vitro glata ledo glata fajenco li elektis kvin glatajn ŝtonojn MT Esav estas ja homo harkovrita, kaj mi Jakob estas homo glata MT glataj vangoj de infano glata felo de kato
(analoge) la akvo fariĝis glata kiel spegulo Z pri maro l’ ondaro
klare-blua, milda, glata KKa
2 senobstrukca; facile irebla: ni havas nun antaŭ ni tute glatan vojon Z glata aleo ➞ ebena.
3 (figurasence) iranta sen baro aŭ malhelpo: glata laboro glata stilo glata parolo la afero iel estas ne glata Z lia morto estos tiel glata,
ke eĉ ne estos ombro de suspekto Z
4 (figurasence) karesa, dolĉa aŭ lerte flata: virino, kies paroloj estas glataj MT per sia glata buŝo ŝi la adultulino lin entiris MT
5 MATE funkcio aŭ kurbo posedanta sufiĉe da reguleco; plej ofte tia, ke ĉiuj derivaĵoj ekzistas kaj estas kontinuaj.
glate en glata maniero:
1 haroj, glate kombitaj B glate razita glate rabotita tabulo
3 vivo glate ne fluas Z mi esperas, ke ĉio glate pasos B ĝi almenaŭ finiĝu por ni glate, Dio helpu ke li ne malsaniĝu Z vivi sate kaj glate Z por glate mensogi, oni spriton bezonas Z la adaptiĝo al la novaj kondiĉoj ne plenumiĝis tute glate li glate venkis en la konkurso ➞ relo, butero
glati ntr esti glata 2 aŭ glata 3.
glataĵo loko glata, en objekto aŭ lando: la glataĵoj de osto inter la glataĵoj de la valo estas via parto MT
glateco eco de io glata: la glateco de lia stilo
glatigi fari ion glata:
1 glatigi lignon per rabotilo glatigi ferpecon per fajlilo glatigi al si la barbon glatigi al si la harojn vento plugas, ree glatigas akvajn montojn B
2 glatigi la vojon al iu
3 glatigi sian stilon finita kaj glatigita bone aranĝita Z
glatiĝi iĝi glata: ŝia frunto glatiĝis Z ➞ sulkiĝi.
glatumi tr karese tuŝeti ion glata: glatumi hundon G glatumi al si la stomakon li sin glatumis sole sur stomako Gŝi glatumas lin je barb’ grizhara G
malglata
1 tia, ke la mano iras malfacile sur la supraĵo: malglata felo de lupo malglata kruda lanvesto multaj homoj ne povas tuŝeti malglatan paperon Z ➞ raspa.
2 malfacile irebla: malglata vojo
3 malfacile iranta aŭ fluanta: malglataj versoj malglata konversacio ➞ aspra.
malglataĵo elstaraĵo, kiu faras la supraĵon malglata: (figurasence) stilaj malglataĵoj
neglata malglata: tiu neglata vojo Z