PIV 2026 · Artikolo 5602

★ĝoji

Litero Ĝ★ Fundamenta

Derivaĵoj en la artikolo 15
  1. ĝoja
  2. ĝojo
  3. ĝojeg/i
  4. ĝojeg/o
  5. ĝojig/a
  6. ĝojig/i
  7. antaŭĝoji
  8. ekĝoji
  9. kor1ĝojig/a
  10. malĝoja
  11. malĝoji
  12. malĝojo
  13. malĝojig/i
  14. senĝoja
  15. vivoĝojo
★ ĝoji ntr senti en la koro vivan plezuron, ordinare pro la posedo de reala aŭ imagata bono: ĝoju, mia reĝino! Z ĝoju kaj festenu, sed malriĉulojn subtenu Z pro homo fiera ĝojas infero Z mi tre ĝojas pri via feliĉo! Z mi tre ĝojas pro via feliĉo Z naskinto de saĝulo ĝojos pro li MT mi ĝojas, ke vi restas Z ĝi ĝojis, ke en la sekvanta tago ĝi denove estos vestita per Z mi ĝojas, ke la Amerikanoj konsentis prokrasti sian kongreson Z kun infinitivo mi ĝojas vin vidi! Z ➞ ĝui, plezuri.
ĝoja sentanta, montranta aŭ kaŭzanta ĝojon: ĝoja koro MT ĝoja vizaĝo HBu ĝoja rideto FE ĝoja krio FK ĝoja lumo ĝoja festo la ĝojaj ridantaj okuletoj Z ĝoja sciigo Z ĝojan feston! ĝojan naskiĝtagon! ĝoja pri io ĝoja de io ŝi ĝoje ekplaŭdis per la manoj Z la montoj kune kantu ĝoje MT ➞ gaja 1, hura.
ĝojo
1 sento de ĝojanto: alte eksalti de ĝojo Z la ĉielo de Dio, kie regis ĝojo kaj feliĉo Z ĉu ĝojo aŭ larmoj estos ŝia sorto? Z fluas senmezura ĝojo
El mia koro Z
Ostwald en sia letero dufoje esprimis sian ĝojon Z li pro ĝojo frotis al si la manojn Z amiko en ĝojo kaj ploro Z laŭte ŝi ekploris pro ĝojo Z vivi en ĝojo kaj plezuro Z fari ĝojon al iu Z kaŭzi ĝojon al iu mia koro
Nun malfermiĝis por la granda ĝojo,
Ke al vi mi nun povas
La kapon kisi Z
vi ĝisvivos la ĝojon vidi lin antaŭ la fronto Z
2 objekto aŭ kaŭzo de ĝojo: saĝa filo estas ĝojo por sia patro MT malsaĝeco estas ĝojo por malsaĝulo MT ➞ espero, fiero, gloro.
ĝojegijubili.
ĝojego sento de ekstrema ĝojo.
ĝojiga tia, ke oni ĝojas pro ĝi.
ĝojigi fari iun ĝoja: laboro lacigas, sed akiro ĝojigas Z saĝa filo ĝojigas la patron MT mi petas vin, tranoktu kaj ĝojigu vian koron MT tro rapida riĉiĝo diablon ĝojigas per tio ĝojigita, la maljuna
Por li asignis la salajron Z
la floro ĝojigadis la okulon Z
antaŭĝoji senti anticipan ĝojon: la kanajla popolaĉo antaŭĝojis pro la venonta malordo MalR mi antaŭĝojas pri pluaj kunlaboro kaj bonvolo OE
tr mi tiom antaŭĝojis tiun ekskurson kun vi CPi mi antaŭĝojas revidi ŝin UMa
➞ antaŭĝui.
ekĝoji komenci ĝoji: kiam ĉi tiuj aŭdis ŝian deziresprimon, ili tre ekĝojis Z
kor1ĝojiga tia, ke ĝi ĝojigas la koron: la korĝojiga vido kaj bonodoro de ŝarĝita fruktarbo FK
malĝoja
1 sentanta aŭ montranta malĝojon: morte malĝoja Z la anasido estis malĝoja, ke ĝi aspektas tiel malbele Z
2 kaŭzanta malĝojon: la plej malĝoja punkto por mi estas tio, ke Vi nun rifuzas esti prezidanto Z akiri la malĝojan gloron de subfosanto Z
malĝoji senti vivan malagrablan senton en la koro pro ia malfeliĉo: ĝi malĝojis, ke ĝi devas disiĝi de la hejmo Z kiu ne malĝojos post la morto de bona amiko? besto senprudenta
Malĝojus ja pli longe! Z
➞ afliktiĝi.
malĝojo
1 sento de malĝojanto: malĝojo pri la patro la mortinta pri la mortinta patro Z koro scias sian propran malĝojon MT malĝoj’ kaŝita kovras
Mistere vian koron Z
la rozo forvelkis de malĝojo Z ŝi al neniu povis konfidi sian malĝojon Z nek ĝojo, nek malĝojo daŭras eterne Z
2 objekto aŭ kaŭzo de malĝojo: filo malsaĝa estas malĝojo por sia patrino MT
malĝojigi fari iun malĝoja: plej multe malĝojigis ŝin la penso pri la bela blanka papilio Z profitemulo malĝojigas sian domon MT lia frenezo, kiu ĉiujn nin sincere malĝojigas Z ➞ aflikti, ĉagreni, deprimi, malesperigi.
senĝoja sentanta nenian ĝojon. ➞ morna.
vivoĝojoĝojo, kiun havigas la simpla sento de vivado: la vivĝojo ŝaŭmis en la templo de la dioj Z turmentaj ideoj pri si mem, venenaj al la vivĝojo CPi