PIV 2026 · Artikolo 6522
★indulgi
Derivaĵoj en la artikolo 6
★ indulgi tr
1 ne severe trakti kulpon aŭ pekon de iu; ne severe agi kontraŭ iu erarinta: furiozas la ĵaluzo de la edzo; Kaj li ne indulgas en la tempo de la venĝo MT koleranto devas esti punata; Ĉar se vi lin indulgos, li fariĝos ankoraŭ pli kolerema MT se malvirtulo estas indulgata, li ne lernas justecon MT Dio indulgu min, pekulon! ➞ kompati, pardoni.
2 ne ofendi iun; montri simpatian respekton al iu; domaĝi iun: mia onklino venas trinki teon; ni devas indulgi ŝiajn orelojn B tiu kalumnio indulgos eble nian puran nomon Z li ne indulgos vian rangon nek oficon Z ➞ ŝpari.
3 BIBL lasi iun plu vivi: Saul indulgis Agagon kaj la plej bonajn ŝafojn kaj ne volis ekstermi ilin MT per pafarkoj ili mortigas junulojn, infanojn ne indulgas ilia okulo MT tiu, kiu ne indulgis Sian propran Filon, sed fordonis lin por ni ĉiuj NT
indulga montranta indulgon: indulga al iu indulga por iu indulga pri io ➞ favorkora.
indulgo
1 malsevereco; pardonemo: peti indulgon de la juĝistoj fidi ies indulgon
2 respekta konsidero; modereco kontraŭ iu aŭ io: havi indulgon kontraŭ malsanulo oni devas lernigi la infanojn montri indulgon al la maljunuloj
indulgema inklina al indulgo: Dio indulgema kaj kompatema MT ➞ komprenema, malsevera.
indulginda meritanta indulgon: indulginda kaprico
mediindulga EKOL karakterizanta produkton, produktoprocezon aŭ kondutmanieron, kiu kaŭzas relative malmultajn aŭ neniujn mediproblemojn.