PIV 2026 · Artikolo 8160

★kompati

Litero K★ Fundamenta

Derivaĵoj en la artikolo 7
  1. kompata
  2. kompato
  3. kompatem/a
  4. kompatig/i
  5. kompatind/a
  6. kompatind/aĵ/o
  7. senkompata
★ kompati tr senti kortuŝon pro la malfeliĉo de iu, dezirante ĝin malakrigi: kiu kompatas malriĉulojn, tiu estas feliĉa MT ĉar kiu kompatos vin, ho Jerusalem ? MT Dio, kompatu nin, pekulojn! Z mi kompatos la nekompatitinon MT nomu viajn fratinojn Kompatataj MT Dio batas, Dio kompatas Z Vi mortigis , buĉis kaj ne kompatis MT mi dankas vin, kompatanto en la ĉielo! Z virtulo kompatas la vivon de sia bruto MT ➞ bedaŭri, domaĝi, indulgi, kondolenci, simpatii.
kompata esprimanta kompaton: rigardi la aferojn kun pli kompata okulo Z (mortigi) per sago kompata Z
kompato sento de iu, kiu kompatas: ŝin hontigis la kompato, kies objekto ŝi estis Z mi ne volas baton, mi ne volas kompaton Z ŝi vekis kompaton ankaŭ en tiu juna homo Z justeco kaj kompato al bestoj Z eksenti kompaton al iu Z eksenti kompaton pro io MT ŝi el kompato jam longe iom post iom malkaŝis al li la veron Z rideto de kompato malestima Z
kompatema inklina al kompato: vi estas Dio pardonema, indulgema kaj kompatema MT ĉiu estu bona kaj kompatema al sia frato MT la libristo estis tre bona homo kaj havis tre kompateman manon Z ➞ bonkora.
kompatigi igi iun kompati: pli bone estas enviigi, ol kompatigi Z
kompatinda meritanta aŭ vekanta kompaton: la kompatinda anasido estis mordata kaj persekutata Z miaj kompatindaj floroj tute forvelkis Z ➞ malfeliĉa.
kompatindaĵo io kompata: «ĝi estas ja vera kompatindaĵo» «la infano ja malsaniĝos!» Z
senkompata ne sentanta ian kompaton: la senkompata morto Z ili parolis senkompatajn vortojn pri ŝi Z decido, kiun li
Plenumos senkompate kaj severe Z
➞ egoisma, kruela, senkora.