PIV 2026 · Artikolo 4378

★feliĉa

Litero F★ Fundamenta

Derivaĵoj en la artikolo 13
  1. feliĉe
  2. feliĉo
  3. feliĉeg/a
  4. feliĉig/a
  5. feliĉig/i
  6. feliĉul/o
  7. ĉielfeliĉul/o
  8. malfeliĉa
  9. malfeliĉe
  10. malfeliĉo
  11. malfeliĉeg/o
  12. malfeliĉig/i
  13. malfeliĉul/o
★ feliĉa
1 iu sentanta animan plenkontentecon: se mi estus sana, mi estus feliĉa FE kvankam vi estas riĉa, mi dubas, ĉu vi estas feliĉa FE kelkaj homoj sentas sin la plej feliĉaj, kiam ili vidas la suferojn de siaj najbaroj FE pli feliĉa ol ili estas tiu, kiu ĝis nun ne ekzistis MT feliĉaj estas tiuj, kiuj malsatas kaj soifas justecon NT pli feliĉa sinjoro sen havo, ol riĉulo sed sklavo Z havi feliĉan mienon B ➞ beata, ĝoja; ĉielo 2.
2 iu favorata de la sorto: ne naskiĝu riĉa, naskiĝu feliĉa Z feliĉa ĉe monludo, malfeliĉa ĉe amo ➞ fortuno.
3 io plenkontentiganta la animon: feliĉa vivo kara domo, multon da bona kaj feliĉa mi ĝuis en vi Z paco feliĉa Z feliĉa karaktero deziri al iu feliĉan feston la feliĉaj tagoj de la juneco la Feliĉaj Insuloj Kanarioj 2 ➞ ĉarma, rava; paradizo.
4 io sukcesdona aŭ bonokaza:al tiuj bonkoraj penoj multe helpis la feliĉa situacio, en kiu li troviĝis Z feliĉa cirkonstanco Z feliĉa akuŝo la operacio havis feliĉan sekvon alkonduki aferon al feliĉa fino Z kelke da feliĉaj ideoj kuraĝigis min Z ➞ favora, prospera.
feliĉe
1 en feliĉa maniero: feliĉe ridetante la bela Sara endormiĝis Z la ŝipo feliĉe atingis la havenon vivi feliĉe Z feliĉe por li Z feliĉe solvi problemon la vortoj feliĉe kreitaj Z
2 danke al feliĉa okazo; pro ia bona ŝanco: Don Isaak havis jam la intencon kritiki sed feliĉe Aaron elvenis Z feliĉe tiu periodo daŭris ne longe Z feliĉe la entrepreno ne sukcesis Z
feliĉo
1 sento aŭ stato de plenkontenteco: kiu malmulte deziras, feliĉon akiras Z nemiksita feliĉo Z pura feliĉo ebria de feliĉo Z la hejma feliĉo de Marta Z mutaj atestantoj de perdita feliĉo Z nenia feliĉo maturiĝas sub la luno Z (analoge) la feliĉo de la Dana regno Z
2 sortofavoro; bona ŝanco: kiel longe jam mi ne havis la feliĉon vidi ŝin ! Z vin sendis al mi mia bona feliĉo Z havi feliĉon ĉe virinoj Z mi nun akceptas kun malgaja koro
Feliĉon mian surtroniĝon Z
facile estas danci, se la feliĉo kantas Z feliĉo leĝon ne konas Z ne ĉiuj havas egalan feliĉon Z malsaĝulon favoras feliĉo Z ➞ fortuno.
feliĉega ekstreme feliĉa. ➞ beata.
feliĉiga tia, ke ĝi feliĉigas: ĝi venĝus terure. Ĉi tiuj feliĉigaj okuloj idiote vitriĝus Z
feliĉigi fari iun feliĉa: bonaj infanoj gepatrojn feliĉigas Z Sankta Virgulino, Vi la urbon feliĉigis! B
feliĉulo
1 homo feliĉa (precipe feliĉa 2): multaj svatiĝas, feliĉulo edziĝas Z al feliĉulo eĉ koko donas ovojn Z ili estas feliĉuloj de la mondo MT la filinoj vidis ŝin, kaj nomas ŝin feliĉulino MT
2 homo beata 2:ŝi ja intence foriris en la mondon de la feliĉuloj Z
ĉielfeliĉulo homo ĉiel beata: milionoj da ĉielfeliĉuloj estis tie Z
malfeliĉa
1 estanta en malfeliĉo: oni ĉiam trovas pli malfeliĉan ol sin mem senkulpa oni estas, se nur ja malfeliĉa! ŝi estas virino pli malfeliĉa, ol kiom mi en la komenco opiniis Z la malfeliĉa infano forkuris FE la malfeliĉa knabino mortis FE li sentis sin tiel malfeliĉa, ke li malbenis la tagon, en kiu li estis naskita FE kion mi malfeliĉa nun faros? Z ➞ aflikti, mizera, kompatinda.
2 donanta malsukceson; malfavora; malbonokaza: se ne la «se» malfeliĉa, mi estus nun homo plej riĉa Z li estis malfeliĉa en tiu entrepreno malfeliĉa kandidato malsukcesinta malfeliĉa milito malfeliĉa pasio malfeliĉa amo Z ➞ bedaŭrinda, fatala.
malfeliĉe
1 en malfeliĉa maniero: li vivas malfeliĉe kaj mizere
2 malbonŝance, domaĝe, bedaŭrinde: vortoj kreitaj malfeliĉe Z malfeliĉe, li ne povis ĉeesti la feston
malfeliĉo
1 sento aŭ stato de tiu, kiu havas nenian ĝojon aŭ kontentecon: en feliĉo ne fieru, en malfeliĉo esperu Z fremda malfeliĉo instruas Z kontraŭ malfeliĉo ne defendas eĉ riĉo Z fali en malfeliĉon MT kiu ĝojas pri ies malfeliĉo, tiu ne restos sen puno MT li trinku vinon
Kaj li ne plu rememoru sian malfeliĉon MT
malfeliĉo ofte kunigas la homojn FE
2 malbona ŝanco: la akvo estas via malfeliĉo, kaj vi pereos Z tiuj, kiuj havas la malfeliĉon esti viaj najbaroj per okazo de malfeliĉo Z amikon montras malfeliĉo Z
3 malfavora, malutilega aŭ doloriga okazaĵo: malfeliĉoj kaj batoj venas ĉiam kun fratoj Z malfeliĉo inviton ne atendas Z mi ridos ĉe via malfeliĉo MT rakontu al mi vian malfeliĉon FE sed la malfeliĉo konsistas en tio, ke tiu prediko ne havis finon Z estos nenia malfeliĉo, se iu miksos la novajn formojn kun la malnovaj Z
(ironie) nenion povoscias! tio estas la tuta malfeliĉo! ha! ha! ha! Z efektive, granda malfeliĉo! Z
malfeliĉego ekstrema malfeliĉo. ➞ katastrofo.
malfeliĉigi fari iun malfeliĉa.
malfeliĉulo homo malfeliĉa: li donis al la malfeliĉulo tro malmulte, ĉar li estas konata avarulo Z venu baldaŭ la tempo, kiam la malfeliĉuloj blinduloj havos por si tre grandan bibliotekon Z helpi al la malfeliĉuloj