PIV 2026 · Artikolo 3550

egoo

Litero E

Derivaĵoj en la artikolo 5
  1. egoism/a
  2. egoism/o
  3. egoist/o
  4. malegoism/o
  5. superegoo
egoo
1 memo aŭ propra personeco, precipe se ligita al tendenco atenti sin mem pli ol aliajn; memestimo, foje troa: mia egoo iom konsterniĝis, ĉar mi ne plu estis la unua inventi tutmondan flagon Ko mi estas alfa kaj mi estas omega, mi estas profeto kaj nemezureblas mia egoo OE la konvertiĝo ebligas eliri el la angoroj de la egoo, ĝi ebligas malfermiĝi al io pli vasta ol la memo MD ➞ egocentra.
2 PSIK laŭ freŭdismo tiu parto de la personeco, kiu juĝas, decidas, akiras kaj klasas informojn, sentas sin respondeca pri la propra konduto, prizorgas la adapton al la ekstera mondo kaj regas siajn proprajn dezirojn: memoro, rezonado kaj volo estas funkcioj de la egoo ➞ mio, superegoo.
egoisma rilata al egoismo: la homoj vidas en la esperantismo ne sole aferon de egoisma oportuneco, sed gravan ideon de intergenta justeco Z vi deziras nur lian feliĉecon kaj ne la satigon de egoisma amo HVa egoisma penso egoisma celo egoisma ago ➞ sinamanta.
egoismo ekskluziva fokuso 3 pri la propra egoo 1; emo serĉi sian propran plezuron aŭ profiton, sen zorgo pri aliaj: obeante la voĉon de la indiferenta egoismo Z se la homeco ne superas en ili la grupan egoismon Z Sin. memamo, sinamo.
egoisto egoisma persono: plej profitama egoisto Z senkonsidera egoisto, kiu zorgis nur pri si mem LiZ
malegoismo altruismo: la sindona malegoismo de Auld EDK
superegoo konscienco: nia superegoo igas nin prediki al la aliaj homoj OE