PIV 2026 · Artikolo 8309
★konscienco
Derivaĵoj en la artikolo 3
★ konscienco konscio, kiun havas la homo pri la morala bono kaj malbono, pri la morala devo: pli bona pura konscienco, ol malpura potenco Z la konscienco lin ne turmentas Z io peze kuŝas sur la konscienco Z ilin juĝu ilia propra konscienco Z mi ne povas kun pura konscienco lasi sub ĝi mian nomon Z kun plej senhonta konscienco oni rakontas, ke Z kovri la buŝon silentigi la riproĉojn de sia konscienco Z konscienco trankvila estas bona dormilo Z Sin. superegoo. ➞ konsciencodubo, konsciencriproĉo.
konscienca obeanta al sia devo; akurate zorgega: konscienca laboristo konscienca observanto Z fari konscience sian taskon
konscienceco eco de iu, kiu agas konforme al sia konscienco: konscienceco kaj precizeco en plenumado de ordonoj kun tre zorga konscienceco Z
senkonscienca havanta nenian konsciencon: senkonscienca ŝtelisto