PIV 2026 · Artikolo 6974
junto
Derivaĵoj en la artikolo 8
junto
1 TEKN inter du kunigitaj ŝtonaj, brikaj, metalaj, plastaj aŭ lignaj pecoj kuniga interspaco, kiun oni plenigas per gluo, mastiko aŭ mortero: transira junto ekz. inter du tuboj de malsamaj diametroj en la junto de la transepto kaj la ĥorejo staras ligna skulptaĵo Mo ➞ borno, interfaco, klemo, veldoloko.
2 FIZI ELEK kunigo de diversaspecaj duonkonduktantoj.
3 GEOL interspaco inter du disiĝintaj (sed ne delokiĝintaj) masoj de rokaĵo aŭ terenoj: diaklazo estas tektona junto ➞ tavoljunto.
4 POLI grupo de «ligitaj» regantoj en diktatoreca reĝimo (plej ofte militistoj regantaj post puĉo): la komunumo reagis al la starigo de junto sub majoro Moussa Dadis Camara PHO/PGu ➞ kamarilo.
5 LING lingve signifa limo inter du morfemoj aŭ sintagmoj, ekz. en la#fiŝo kaj l’ #afiŝo. simbolo: #
junti tr
1 kunigi aferojn per junto.
2 ELEK TEKN fari junton ĉe tuboj aŭ kabloj; kunligi la konduktilojn aŭ cirkvitojn de kablo en juntejo aŭ kabloŝakto.
juntejo ELEK elektre kaj meĥanike konekta ejo inter la ekstremaĵoj de du kabloj.
denta junto TEKN junto farita per rektaj tenonoj; plurdenta tenonkunigo.
dratjunto ELEK mallonga konduktilo por fermi aŭ malfermi parton de cirkvito. ➞ ponto ① 3.
lutjunto ELEK
1 plenigita fendo inter du kunlutitaj metalaj pecoj.
2 kablomufo.
nudjunto TEKN tabula kungluaĵo sen foldo kaj lango.
platjunto TEKN junto aŭ kunigo inter du reloj, sojloj, traboj k.s. per plato konsistanta el la sama materialo, kiu surkunigas la du apudajn ekstremojn.