PIV 2026 · Artikolo 4230

faco

Litero F

Derivaĵoj en la artikolo 5
  1. facet/i
  2. facet/o
  3. interfaco
  4. kontakt/ofaco
  5. martelfaco
faco TEKN SCIE ĝenerale ebena parto de la surfaco de objekto, limigita de geometria figuro: faco de glitvalvo faco de martelo faco de amboso ➞ flanko, surfaco.
2 MATE
a ebena parto de la surfaco de solido. ➞ edro, latero.
b pli ĝenerale ebena parto de la rando de geometria figuro kun kodimensio 1: p-dimensia simplekso posedas p+1 facojn
faceti tr fari facetojn sur io: faceti diamantojn
faceto
1 malgranda faco: la facetoj de kristalo la facetoj de la okuloj de insekto la brilianto havas multajn facetojn ILa artika faceto de osto
2 (figurasence) aparta trajto de iu afero: restas multaj facetoj de la esperantaj leksiko kaj semantiko, kiujn mi lasis netuŝitaj JWe la skandalo evoluis kun multaj novaj facetoj SMa kupola organizo por la diversaj facetoj de la movado Ko ➞ aspekto 2, flanko 5.
interfaco TEKN tiu parto de aparato, kiu konektiĝas kun kongrua parto de alia aparato; la loko, aŭ la preskribita maniero, en kiu du partoj de kompleksa sistemo interkonektiĝas: interfaco por flankaparato interfaco de mastruma sistemo interfaco de programo interfaco de proceduro ➞ fasado, bloko.
kontaktofaco TEKN la surfaca areo de tuboflanĝo, servanta por hermetigi la tubokunigon.
martelfaco ĉe martelkapo la plata aŭ konveksa parto, per kiu oni batas.