PIV 2026 · Artikolo 7369

kapsiko

Litero K

Derivaĵoj en la artikolo 4
  1. kapsiket/o
  2. du/on/lign/ec/a kapsiko
  3. pseŭdokapsiko
  4. unu/jar/a kapsiko
kapsiko
1 BOTA unu- aŭ plur-jara herbo, ĉebaze ofte ligneca, kun integraj, ovalaj aŭ elipsaj folioj, kun kvinnombraj blankaj violetaj aŭ verdetaj floroj kaj kun karnaj fruktoj (beroj), kies placentoj portas po multajn renformajn semojn; el tropika Ameriko; du specioj estas multe kultivataj en la mezvarmaj kaj tropikaj regionoj. genro Capsicum ➞ solanaco.
2 KOMU frukto de kapsiko 1: neakra kapsiko akra kapsiko akrega kapsiko ➞ kapsaicino.
kapsiketo malgranda kapsiko, tre akragusta, uzata kiel spico kaj ne kiel legomo.
duonligneca kapsiko kapsiko kun malgrandaj ege akraj fruktoj, el kiu oni preparas i.a. kajenan pipron. specio Capsicum frutescens
pseŭdokapsiko BOTA specio de solano, malgranda tufarbusto kun lancetformaj aŭ oblongaj folioj, kun malgrandaj blankaj floroj kaj kun globaj venenaj beroj tre ruĝaj, malofte flavaj; origine el Madejro, orname kultivata, naturigita en multaj landoj. specio Solanum pseudocapsicum
unujara kapsiko kapsiko, kies multaj kultivoformoj diversas laŭ la formo, koloro kaj gusto de la fruktoj uzataj por ornamo aŭ kiel legomo (grandaj, ne akraj fruktoj) aŭ spico (malgrandaj akraj fruktoj). specio Capsicum annuum ➞ papriko, ruĝa pipro.