PIV 2026 · Artikolo 7695

kelto

Litero K

Derivaĵoj en la artikolo 4
  1. kelta
  2. Keltuj/o
  3. Kelti/o
  4. antaŭkelta
kelto
1 ano de hindeŭropa gentaro, kiu invadis grandan parton de Eŭropo 1 kaj Malgranda Azio dum la 3-a jarcento a.K.E., kaj fiksiĝis precipe en Gaŭlujo, Kimrujo kaj Irlando. ➞ keltibero.
2 homo, kiu devenas de keltoj aŭ de regiono, en kiu kelta lingvo estas parolata (aŭ estis parolata en pli moderna tempo).
kelta
1 rilata al keltoj: la kelta religio
2 LING rilata al lingvogrupo, kiu konsistas el du subgrupoj: la gaela (irlanda, skotgaela, manksa) kaj la britona (kimra, kornvala kaj bretona): la kelta lingvaro
Keltujo, Keltio
1 HIST parto de Gaŭlujo, inter Sejno 2 kaj Garono.
2 la tuto de la landoj, en kiuj konserviĝas elementoj (lingvaj, folkloraj k.s.) de la kelta civilizacio: Keltio multegon ŝuldas al tiu granda klerulo kaj poeto GMc
antaŭkelta ekzistinta antaŭ la invado de la keltoj: antaŭkelta loknomo