PIV 2026 · Artikolo 8710

krizantemo

Litero K

krizantemo
1 BOTA unujara herba florplanto, malofte arbusto, kun alternaj folioj; kun kombinaĵaj infloreskoj, malofte unuopa kapo; la simplaj radiaj floretoj ĝenerale estas blankaj, flavaj aū ruĝaj, dum la diskaj floretoj estas flavaj; el Eŭropo, norda Afriko kaj okcidenta Azio. genro Chrysanthemum ➞ asteraco, krizantemato.
2 (vastasence) krizantemo 1 kaj parencaj genroj, unu- kaj plur-jaraj herboj, arbustetoj kaj kelkaj tufarbustoj tre diversaspektaj, kun integraj, dentaj aŭ plume diverse entranĉaj folioj kaj kun radiaj aŭ langetfloraj kapituloj; el Eŭropo, norda Afriko kaj Azio; pluraj specoj estas orname kultivataj. ➞ lekanto, leŭkanto, tanaceto.
3 KOMU ĝardena krizantemo.
ĝardena krizantemo BOTA la plej konata krizantemo 2, plurjara herbo kun okulfrape koloraj kapituloj ofte grandaj; origine el Ĉinujo, konata jam de antaŭ 2000 jaroj en Ĉinujo kaj Japanujo, nun vaste kultivata por ornamo kiel multaj kultivoformoj. specio Chrysanthemum × morifolium