PIV 2026 · Artikolo 8835
★kulero
★ kulero
1 manĝilo, kiu konsistas el tenilo kaj el kava parto ovoforma aŭ ronda, per kiu oni ĉerpas likvojn aŭ duonsolidajn nutraĵojn: oni metis antaŭ mi manĝilaron, kiu konsistis el telero, kulero, tranĉilo, forko, kaj telertuketo FE mi aĉetis dekduon da kuleroj FE li miksis la lakton per kulero VVa kuleroj el pura oro B
2 kulero 1 uzata kiel mezurunuo: kulero da medikamento B pli allogas kulero da mielo, ol da vinagro barelo Z ➞ glaso, kaftaso, pinĉaĵo.
kuleri, kulerumi tr manĝi aŭ movi ion per kulero: kuleri supon kuleri fiŝoleon kuleri kaĉon dummomente ŝi kulerumis sian teon silente EGr
kulerego KUIR granda kulero por disverŝi supon k.s. en telerojn. ➞ ĉerpilo.
kulereto KUIR malgranda kulero por kirli kafon aŭ teon aŭ por similaj uzoj.
kafkulero KUIR kulereto por kafo.
kuirkulero KUIR granda kulero, ofte ligna, per kiu oni miksas ingrediencojn en kuirpoto aŭ pato.
supkulero KUIR kulero uzata por manĝi supon.
tekulero KUIR kulereto por teo.