PIV 2026 · Artikolo 9172
★laŭdi
Derivaĵoj en la artikolo 10
★ laŭdi tr esprimi aproban aŭ favoran opinion pri iu aŭ io: oni laŭdas homon laŭ lia saĝo MT aktoroj, kiujn aliaj laŭdis eĉ tre forte Z mi estas ja patro, kaj mi ne devas laŭdi la filon Z kiu mem sin laŭdas, tiun neniu aplaŭdas Z ĉiu vulpo sian voston laŭdas Z laŭdu la maron, sed restu sur tero Z laŭdu tagon nur vespere Z ili laŭdadis la bonan malnovan tempon Z ➞ flati, glori.
laŭda rilata al laŭdo; laŭdanta: laŭda poemo abundas laŭdaj opinioj pri la KD MFz
laŭdo ago kaj vortoj de iu, kiu laŭdas: laŭdo de iu al iu pri io ne estis por li pli granda laŭdo malfidu la laŭdojn funebra laŭdo al mortinto ➞ apologio, panegiro.
laŭdegi forte laŭdi: ŝia edzo ŝin laŭdegas MT
laŭdinda tia, kia meritas laŭdon: laŭdinda modesteco B efektive tre laŭdindaj aranĝoj, por teni la popolamason sub la pantoflo Z
mallaŭda rilata al mallaŭdo; mallaŭdanta: mallaŭda epiteto mallaŭda opinio
mallaŭdi esprimi malaproban aŭ malfavoran opinion pri iu aŭ io: kion Parizo aplaŭdas, Berlino mallaŭdas Z li havos por mallaŭdi nur sin mem! kiel mallaŭdi lian fervoron? ➞ insulti, kritiki, riproĉi.
mallaŭdo ago kaj vortoj de iu, kiu mallaŭdas: multe da homoj ne faras malbonon pro timo de mallaŭdo Z ĵeti mallaŭdon sur iun mi ricevis mallaŭdon Z la mallaŭdo de tia persono devas esti por vi pli grava, ol la aplaŭdado de tuta teatro Z
mallaŭdinda tia, kia meritas mallaŭdon: li estas pli kompatinda, ol mallaŭdinda
matenlaŭdo KRIS kanonika horo preĝata ĉiumatene de la klerikoj.
memlaŭdo laŭdado de si mem. ➞ fanfaronado.