PIV Reta Vortaro

PIV · 9697

magi/o

1 Tuto de la procedoj k ritoj per kiuj la operacianto kredas povi efiki sur la okultajn fortojn de la mondo k obeigi ilin al la homaj deziroj: la magio estis la vera fonto de la artoj k de la sciencoj; imiteca, simpatia magio (efikanta per imitado aŭ kontaĝo); blanka (bonfara), nigra (malbonfara) magio. religio. animismo, envulto, okultismo, sakramento.

2 () Miriga efiko, iel simila al tiu de la propredirita magio: la magio de opero, de la vortoj.

magia

1 Bazita sur magio, sorĉa: magia povo, magia bastono.

2 () Havanta eksterordinaran efikon: tiuj paroloj faris magian impreson; serpentoj per sia rigardo magie alforĝas la birdojn . rava, sorĉa. lanterno.

magiado. Ago, efiko magia: vidu do, tio ĉi estas la tuta magiado, kiun vi envolvas en sanktan nebulon .

magiisto. Homo kiu praktikas la magion: viro aŭ virino, se ili estos magiistoj aŭ sorĉistoj, estu mortigitaj . mago, prestidigitisto.