PIV · 9700
magm/o
magm/o ⊕ Varmega (almenaŭ 600 °C) likva materio, estiĝinta profunde en la terkrusto, kiu ŝanĝiĝas al petroj solidiĝante pro malvarmiĝo, aŭ en la profundo (plutonaj petroj) aŭ sur la surfaco (vulkanaj petroj) de la tero. ☞ lafo.
magma. Konsistanta aŭ estiĝinta el magmo: magma petro (el solidiĝinta magmo, ekz. diorito, granito); granita, bazalta magmo.
magmiĝo. Estiĝo de magmo pro fandiĝo de termaterialo: magmiĝo de la termantelo, de metamorfaj petroj. ☞ anatekso.
magmismo. Tuto de la magmaj fenomenoj (estiĝo, moviĝo, kristaliĝo).