PIV Reta Vortaro

PIV · 10255

meti/o. Manlabora profesio, precipe hejme aŭ etindustrie praktikata: metio de ĉarpentado, de ŝufarado; lerni metion; ne rezonu pri tio, kio estas ekster via metio ; tro da metioj – profitoj neniaj (restu ĉe la sama stablo!). ofico, okupo. metilernanto.

metia. Rilata al metio(j): metia korporacio; la metiaj moroj.

metiejo. Loko, kie laboras metiisto(j): lia metiejo troviĝis apude de ŝtona ponto ; la aliaj submastroj de la metiejo demandis lin .

metiisto. Tiu, kiu praktikas metion: ĉiu metiisto havis sian stablon sur la trotuaro . laboristo, profesiisto.

nemetiisto. Amatoro.