PIV 2026 · Artikolo 11917

pedunklo

Litero P

Derivaĵoj en la artikolo 3
  1. pedunkla
  2. pedunklet/o
  3. senpedunkla
pedunklo
1 BOTA speciala tigeto, kiu portas unu aŭ plurajn florojn aŭ fruktojn: pedunklo de floro pedunklo de infloresko ➞ akso, petiolo.
2 BOTA ekz. ĉe iuj fungoj kaj likenoj tigetforma organo, kiu portas reproduktorgano(j)n. ➞ stipo 2.
3 ANAT nomo de ĉiu el la cerbaj funikloj, kiuj kunligas la cerbeton kun la grandcerbo kaj la cerbon kun la mjelo: cerbetaj pedunkloj pedunculi cerebellares
pedunkla havanta pedunklon; rilata al pedunklo.
pedunkleto BOTA
1 en kunmeta infloresko aŭ infruktesko duavica pedunklo.
2 ĉe iuj fungoj, likenoj kaj muskoj malgranda pedunklo, kiu portas reproduktorgano(j)n.
senpedunkla ne havanta pedunklon.