PIV 2026 · Artikolo 11990

peono

Litero P

peono
1 LUDO ŝakfiguro, de kiu ĉiu ŝakludanto disponas ok komence de la ludo; la plej malgranda el la figuroj: peono moviĝas antaŭen je unu ĉelo, krom se ĝi estas en sia origina ĉelo, kiam ĝi rajtas moviĝi antaŭen je du ĉeloj mi antaŭenpaŝis per peono SSz ➞ preterpasa preno.
2 (figurasence) iu aŭ io ekspluatata de alia por ties celoj, kvazaŭ ŝaka peono: li estas perceptata kiel peono de Vaŝingtono de Usono MD la Kosovo-demando iĝis grava peono en la tutplaneda batalo inter Rusio kaj Usono MD
3 (figurasence) simpla laboristo, kiu laboras sub kondiĉoj proksimaj al servuteco.
peonismo sistemo de kvazaŭa servuteco, konsistanta en reteno de laboristo (peono 3) ĝis finpago de ŝuldo arbitre kalkulita de la mastro.