PIV 2026 · Artikolo 12225

★pinto

Litero P★ Fundamenta

Derivaĵoj en la artikolo 30
  1. pinta
  2. pinti
  3. pintig/i
  4. pintiĝ/i
  5. pinting/o
  6. pintum/o
  7. akr1/apinta
  8. aks/opinto
  9. bor1pinto
  10. dupinta
  11. fingr/opinto
  12. karb/opinto
  13. kor1pinto
  14. kresk/opinto
  15. kvinpinta
  16. lanc/opinto
  17. lang/opinto
  18. mamopinto
  19. mult/epinta
  20. pan1pinto
  21. piedpinte
  22. piedpinto
  23. sekpinto
  24. senpinta
  25. senpintig/i
  26. sespinta
  27. ŝtop/opinto
  28. terpinto
  29. tripinta
  30. tur1opinto
★ pinto
1 akra kaj pika ekstremo: pinto de glavo pinto de kudrilo pinto de cirkelo pinto de krajono
2 maldika ekstremo de objekto, pli kaj pli mallarĝiĝanta al la supro: pinto de sonorilturo pinto de de monto B ĝi staras sur la pinto de altaĵoj MT dunoj kun siaj el sablo formiĝintaj pintoj Z la afero ne staras sur pinto de ponto ne urĝas Z al via ombro, pintoj moviĝemaj
De l’ densa arbareto Z
unu mevo sidis sur la pinto de la masto
(figurasence) sur la ĉapo de Fortuno ni ne estas la pinto Z li kvazaŭ staras sur la pinto de la mondo atingi la pintojn de la homa penso
➞ supro, kulmino, pintohoro.
3 ekstremaĵo de korpoparto: paŝi sur la pintoj de la piedoj ➞ piedpinte ĝi sentigis al mi la pinton de sia korno (proprasence kaj figurasence) li vidas nur ĝis la pinto de sia nazo Z
(figurasence) mi havas la vorton sur la pinto de la lango ŝi ruĝiĝis ĝis la pinto de siaj ungoj
➞ fino.
4 TEKN ĉiu el la iom pintoformaj ĉefaj finaj pecoj (ĝenerale interŝanĝeblaj) de iloj kiel borilo, ŝraŭbilo, lutilo k.a. ➞ borpinto.
pinta finiĝanta per pinto: pinta tranĉilo pinta bastono pinta ĉapelo pinta mentono pinta frontono Z
pinti ntr elstari per pinta ekstremaĵo: jam pintas la ŝosoj en la arbaro
pintigi fari ion pinta: pintigi krajonon
(analoge) pintigi la orelojn kiel hundo pintigi la buŝon signo de malŝato
pintiĝi finiĝi per pinto: ŝiaj haroj pintiĝis sur la frunto
pintingo konusforma ingo por ŝirmi pinton aŭ fari ĝin sendanĝera.
pintumo BELE spritaĵo pikanta per la proksimigo de du tre malsamaj ideoj.
akr1apinta havanta akran pinton: akrapintaj pingloj Z
aksopinto pivoto.
bor1pinto ĉefa fina akcesoraĵo de borilo 1, interŝanĝebla laŭ la diametro de la truo aŭ la materialo borota: helice cilindra borpinto duedre tranĉa borpinto Sin. borilo 2.
dupinta havanta du pintojn: dupinta lango de serpento
fingropinto ekstremaĵo de fingro: la patro tamburetis per la fingropintoj sur la kovrilo de la libro SEn
karbopinto ELEK elektrodo (el karbo) de elektra maŝino aŭ sparkoponto.
kor1pinto ANAT kora apekso.
kreskopinto BOTA meristemo.
kvinpinta havanta kvin pintojn: kvinpinta stelo de Esperanto
lancopinto pinto 1 de lanco.
langopinto ANAT LING pinto 3 de lango.
mamopintoelstaraĵo ĉe la mamo de homoj kaj aliaj mamuloj, tra kiu ĉe inoj la idoj suĉas lakton. Sin. cico.
multepinta prezentanta multajn pintojn: montoj multepintaj MT kapoj de cervoj kun multepintaj kornoj Z
pan1pinto la unua aŭ lasta pinta tranĉaĵo de bastonpano.
piedpinte sur la pinto de la piedfingroj: piedpinte danci
piedpinto tuto de la pintoj de la piedfingroj.
sekpinto grifelo.
senpinta ne prezentanta pinton: senpinta krajono skerma senpinta rapiro senpinta tondilo
senpintigi malaperigi la pinton de io: senpintigi plumon senpintigi glavon (figurasence) senpintigi senefikigi argumenton aŭ aserton
sespinta sespinta stelo de Davido
ŝtopopinto TEKN pinta metala tigo, ordinare movata per ŝraŭbo, por reguligi la fluon de fluido en tubo aŭ ellasilo.
terpinto promontoro 1.
tripinta havanta tri pintojn: tripinta valveto de koro
tur1opinto ARKI konstrusupraĵo, en formo de akuta konuso aŭ piramido, kiu kronas turon: romanika turpinto ➞ spajro.