PIV 2026 · Artikolo 12995
★publiko
Derivaĵoj en la artikolo 8
★ publiko
1 ĉiuj homoj escepte de aŭtoritatuloj, organizantoj, fakuloj k.s.: enirejo por la publiko avizo al la publiko mi scias, kia sorto atendas kuraciston, kiu dependas de la publiko Z mi senigas min nun je ĉiaj personaj privilegioj, kaj fordonas ilin tute al la publiko Z
2 ĉiuj homoj, kiuj ĉeestas spektaklon aŭ kunvenis por aŭskulti: la tuta publiko aplaŭdis la aktorojn dramoj, al kiuj la publiko kuradis Z la balon partoprenis la plej eleganta publiko
3 ĉiuj homoj, al kiuj estas destinita libro, gazeto k.s.: elirante ankoraŭ unu fojon antaŭ la estimata publiko Z mi sentas la devon antaŭ ĉio danki la legantan publikon Z la plej nova propono al la publiko Z la libro celas tre malvastan publikon de specialistoj
publika
1 koncernanta ĉiujn homojn, ĝenerale en la kadro de regno: la publika intereso mono publika estu fortika Z Esperanto povus servi kiel paciga lingvo de publikaj institucioj en tiuj landoj, kie diversaj nacioj batalas inter si pro la lingvo Z publika akuzisto la publikaj servoj akvo, gaso, elektro, fervojo k.s. publikaj aferoj B publika malamiko ➞ regna, ŝtata.
2 malfermita al ĉiuj sendiference: publika vojo publika banejo publika biblioteko publika parolo Z publika kunveno Z publikaj debatoj prezenti lingvon por la publika uzado Z proponi sian lingvon al la publika kritiko Z ➞ vulgara.
3 tia, ke ĉiuj povas ĝin koni: ju laboro pli publika, des pli granda la kritiko Z kiso publika estas kiso malamika Z publika sekreto Z mi esprimas mian plej profundan dankon al ĉiuj kune, per ĉi tiu publika letero Z ➞ privata.
➞ publikutila.publike antaŭ publiko, aŭ turnante sin al la publiko: la lingvo Esperanto aperis publike en la fino de la jaro 1887 Z tion ĉi mi diris publike, kaj ĉiu povas tion ĉi legi kaj scii Z mi ne deziras, ke ĉiu serio da novaj vortoj estu rigardata kiel «publike sankciita» de mi Z mi decidis respondi vian «Malfermitan Leteron» ne private sed publike Z
publikaĵo
1 dokumento, ĝenerale presita (libro, revuo k.s.), destinita al publiko.
2 KOMP komputila programo, kiun ĉiu rajtas senpage kopii kaj uzi. ➞ komercaĵo 2, propagaĵo.
publikeco eco de io publika: la publikeco de la debatoj de parlamento, de proceso
publikigi
1 konigi ion al la publiko per oficiala anonco: publikigi dekreton publikigi leĝon publikigi la rezulton de la balotado publikigi edziĝanoncon
2 aperigi ion sub presa formo, kiun la publiko povas libere aĉeti: miajn personajn librojn mi promesis publikigi ĉiam per la firmo Hachette Z broŝuro, kiun mi publikigis en lingvo rusa Z mi dum tre longa tempo havis la intencon aŭ tute ne publikigi mian kredon, aŭ publikigi ĝin anonime Z certa nombro de miaj Respondoj jam estas publikigita Z la ĝis nun ankoraŭ nepublikigitan parton de la «Proverbaro» mi publikigas nun en «La Revuo» Z Dietterle, en 1929, publikigis en unu dika volumo la originalajn verkojn de D-ro Zamenhof GWa mi ĝin publikigos en tia formo, kian vi deziros Z ➞ eldoni, publici, presi.
publikigo ago publikigi: mi nur bedaŭras, ke li tro multe prokrastis la publikigon de mia projekto Z tuj post la publikigo de mia broŝuro Z
publikulino amoristino: tiel facila, kiel la salto de publikulino al bigotulino Z
malpublike sen ĉeesto de publiko: juĝi seksan krimon malpublike