PIV 2026 · Artikolo 13483

★rimarki

Litero R★ Fundamenta

Derivaĵoj en la artikolo 9
  1. rimarko
  2. rimarkebl/a
  3. rimarkig/i
  4. rimarkig/o
  5. rimarkil/o
  6. rimarkind/a
  7. nerimarkat/e
  8. nerimarkebl/e
  9. nerimarkit/e
★ rimarki tr
1 observante, distingi kaj aparte atenti ion: apenaŭ ŝia patrino ŝin rimarkis, ŝi kriis al ŝi FE mi rimarkis inter la nematuruloj junulon senprudentan MT oni rimarkis vian foreston Z ne rimarkante la tutan senfundamentecon de tiuj ĉi argumentoj Z rimarki eraron en teksto B rimarku la lokon, kie li kuŝas, iru tien, kaj kuŝiĝu MT sed baldaŭ li rimarkis, ke tiu sistemo estas tro komplika Z ➞ mencii, noti, percepti.
2 diri ion atentigante: nesaĝaj homoj ironie rimarkas al vi, ke Z «nu, vi ja nenion diras!» rimarkis unu el la teksantoj Z la mastro amike rimarkis: — Mi donus cent funtojn FK
rimarko io, kion oni rimarkas: mi faros nur mallongan rimarkon Z viaj rimarkoj pri la alfabeto estas tre ĝustaj Z Esperantistoj, kiuj ĉe la plej malgranda rimarko de la kontraŭuloj ekstaras senhelpe Z
rimarkebla tia, ke ĝi povas esti rimarkita: en ĉi tiu tumulto estis precipe rimarkebla la figuro de hispana kavaliro Z tiu apenaŭ rimarkebla aludo Z
rimarkigi
1 sciigi ion al iu per rimarko: nu, mi nur simple rimarkigis al vi Z mi jam kelkajn fojojn rimarkigis tion ĉi al li Z sed permesu rimarkigi: mi estas en certa grado edzinigita Z
2 igu iun rimarki: mi devas rimarkigi vin pri la instruisto Z mi ne devis rimarkigi, ke mi travidis la agon de insidantoj Z
rimarkigo atentigo, ke io estas rimarkinda.
rimarkilo signo, per kiu oni rimarkigas: meti rimarkilon ĉe paĝo de libro
rimarkinda inda esti rimarkita: rimarkinda lerteco B oni trovas tie tute rimarkindan gradon de saĝeco Z li estas la plej rimarkinda el miaj lernantoj oni sentas sin tiel rimarkinde juna Z
nerimarkate tiel, ke oni ne rimarkas: li penis nerimarkate atingi fremdan teron Z
nerimarkeble tiel, ke oni ne povas rimarki: kiel la kantado de la patrino nerimarkeble restas en la menso de la infano Z novaj esprimoj devas esti enkondukataj nur iom post iom, nerimarkeble Z
nerimarkite tiel, ke oni ne rimarkis: mi eĉ konstante penas tragliti nerimarkite Z