PIV 2026 · Artikolo 13602

★roso

Litero R★ Fundamenta

Derivaĵoj en la artikolo 5
  1. rosi
  2. roser/o
  3. rosum/o
  4. mielroso
  5. sunroso
★ roso demetaĵo el etaj gutoj de akvo, ordinare estiĝanta nokte aŭ matene, pro likviĝo de vaporo sur la supraĵo de plantoj, grundo ktp en plena aero: tiel similaj unu al la alia, kiel du gutoj da roso Z (figurasence) la roso de la Dia favorkoreco Z ➞ rosmezurilo, rospunkto; prujno.
rosi
1 tr kovri ion kiel roso: (figurasence) la luno per sia argenta brilo rosis ŝiajn harojn RRs
2 ntr brili kiel roso; kuŝi kiel roso (sur folioj k.s.): ĉiu unuopa folio estis signo de forto, bono kaj kredo, de ĉiu folio rosis helaj gutoj de amo ROs
rosero guto de roso.
rosumo demetaĵo el fajnaj akvogutetoj sur malvarmaj surfacoj i.a. interne de konstruaĵo: fenestrovitroj kovritaj de rosumo ➞ vaporo.
mielroso sukeroriĉa likvaĵo sekreciata de afidoj kaj iaj aliaj insektoj, kiam ili suĉas sukon de kreskaĵo.
sunroso BOTA insektomanĝa herbo kun baza rozeto 2 el folioj, kiuj dense surhavas gluajn glandoharojn por kapti insektojn; tutmonda, plejparte torfeja. genro Drosera Sin. drozero.