PIV 2026 · Artikolo 13623
★rozo
Derivaĵoj en la artikolo 26
★ rozo
1 BOTA floro de rozujo: kiel rozo inter la dornoj, tiel estas mia amatino inter la knabinoj MT (proprasence kaj figurasence) ŝiru rozojn en somero, ĉar en vintro ili ne estos Z ŝiru la rozojn de la vivo plezurojn ne kuŝi sur rozoj esti en malagrabla situacio la ruĝa rozo de amo la blanka rozo de virgeco ➞ eglanterio; roza esenco.
4 (figurasence) io simila al rozo 1:
a ARKI ronda fenestro en preĝejo, kun vitraloj kaj radianta ŝtonpuntaĵo.
b BELA diamanto, tajlita kun facetoj supre, kaj plata malsupre.
c GEOG ventorozo.
ĉ ŝprucrozo.
roza
1 rilata al rozo: roza akvo tualetakvo kun iomete da roza esenco roza ligno tropika ligno kun roza odoro ➞ tipuano, dalbergio, pterokarpo
3 (figurasence) plaĉa kaj gajiga: vidi la vivon kun rozaj koloroj rozaj pensoj
rozacokreskaĵo en tiu taksonomia familio, kies tipgenro estas rozo. membro de la familio Rosaceae (rozacoj)
rozejo ĝardeno, kie oni kultivas speciale rozojn el diversaj specoj.
rozeto
1 malgranda kokardo uzata kiel signo de rango en ordeno.
2 BOTA cirkla aranĝo da folioj kreskantaj el la bazo de tigo.➞ rozetplanto, verticilo.
roziĝi akiri la koloron de rozo: ŝi mallevas okulojn, roziĝas de honto G
rozujo BOTA arbusto aŭ arbusteto, ĝenerale dorna, kies floroj (ĉe la sovaĝaj formoj) havas kvin petalojn kaj havas multajn stamenojn, kun tre diversaj kultivoformoj kaj hibridoj, vaste kultivataj. genro Rosa sovaĝa rozujo mi vidis, kiel rozujo ricevis burĝonon Z ➞ rozaco, eglanterio.
akva rozo = (prefere) akvorozo.
akvorozo nimfeo.
bantorozo rozforma banto kun multaj bukloj, uzata por ornami ĉevalan jungilaron ktp.
centfolia rozo BOTA hibrido kultivata por ornamo, parfumo kaj esenco. Rosa × centifolia Sin. centifolio.
cinama rozo BOTA speco de rozo,el orienta Eŭropo kaj okcidenta Azio kun lilake rozkoloraj floroj iom odoraj. specio Rosa majalis
ĉina rozo BOTA speco de rozo el Ĉinujo, orname kultivata. specio Rosa chinensis
damask2a rozo BOTA hibrido kultivata por ornamo, parfumo kaj esenco. Rosa × damascena
grenrozo papaveto.
helroza hele rozkolora: helroza ŝtofo
hunda rozo BOTA speco de rozo el Eŭropo kaj okcidenta Azio. specio Rosa canina
jerikorozo
1 herbo el la dezertoj de norda Afriko kaj sudokcidenta Azio, kun malgrandaj blankaj floroj; kiam la semoj maturiĝas, en seka sezono, la folioj falas kaj la tigoj envolviĝas tiel, ke la planto formas kvazaŭ pilkon, kiu ruliĝas, ĝis ĝi atingas malsekan lokon aŭ la pluvsezono komenciĝas. specio Anastatica hierochuntica Sin. anastatiko.
2 speco de rozo, hejma de suda Usono ĝis Peruo, kiu envolviĝas kaj ruliĝas same kiel anastatiko. specio Selaginella lepidophylla Sin. skvamfolia selaginelo.
kristnask1a rozo speco de heleboro el la Alpoj kaj Apeninoj, kiu floras dumvintre per blankaj — eksteraflanke ofte purpuraj — ornamaj floroj; la sekigitaj rizomoj kaj radikoj estas uzataj i.a. kiel paraziticido kaj insekticido. specio Helleborus niger Sin. nigra heleboro.
marrozo ZOOL polipo, speco de maranemono kun sesopa simetrio, kiu kutime fiksiĝas sur marbordaj rokoj kaj, per siaj multaj tentakloj, kaptas manĝeblajn predojn. membro de la familio Actiniidae, notinde genro Actinia (marrozoj) el la ordo Actiniaria Sin. aktinio 1. ➞ agamo, agutio, drako, seskoralulo.
moska rozo BOTA mediteranea speco de rozo kun tre odoraj kremkoloraj floroj, kultivata por ornamo kaj parfumo. specio Rosa moschata ➞ muskorozo.
muskorozo BOTAkultivoformo de rozo kun branĉoj, ŝosoj, petiolo, kaliko kaj pedunklo ŝajne kovritaj per musko pro sia kovraĵo el densaj rigidaj haroj. specio Rosa centifolia muscosa
penda rozo speco de rozo el eŭropaj montaroj. specio Rosa pendulina Sin. alpa rozo 3.
porcelana rozo alta etlingero.