PIV 2026 · Artikolo 8446

koralo

Litero K

Derivaĵoj en la artikolo 5
  1. korala
  2. koralul/o
  3. okkoralul/o
  4. seskoralul/o
  5. stelkoralo
koralo ZOOL kalka skeleto, proksimume arboforma, de diversaj kolonioj de kniduloj, ordinare fiksiĝinta al submaraj rokoj, el kiu oni faras ornamaĵojn: la muroj estas el koraloj, kaj la altaj fenestroj el la plej travidebla sukceno Z la regiono similis al tuta arbaro da blankaj koraloj Z ilia vizaĝo estis pli ruĝa ol koraloj MT
korala
1 el koralo: ŝi demetis sian koralan ĉirkaŭkolon B koralaj insuloj GMl ➞ koralrifo.
2 koralkolora: korala buŝo LiZ
koralulo ZOOL knidulo, kies interno (➞ celentero) estas dividita de septoj en plurajn kamerojn; multaj specioj vivas en koralaj kolonioj. membro de la klaso Anthozoa (koraluloj) el la filumo Cnidaria
okkoralulo koralulo kun 8 septoj (kaj kameroj) kaj tentakloj. membro de la klaso Octocorallia (okkoraluloj) el la subfilumo Anthozoa ➞ alcioniulo.
seskoralulo koralulo, kies nombro de septoj kaj tentakloj estas oblo de 6. membro de la klaso Hexacorallia (seskoraluloj) el la subfilumo Anthozoa ➞ marrozo.
stelkoralo seskoralulo, kies skeleto estas riĉa je tre malgrandaj poroj. genro Madrepora Sin. madreporo.