★salon/o

1 En Okcident-Eŭropo, ĉambro de domo, kie oni akceptas gastojn, vizitantojn: la granda salono, kie pendis la portretoj de la prapatroj ^Z; la saloneto ne estis vasta, tial des pli frapis la okulojn la eleganteco de ĝia aranĝo ^Z.

2 Ĉambro, en kiu kunvenadis mondumanoj, sprituloj, artistoj ks, precipe en Francio: teni literaturan, politikan salonon.

3 ☆ Ĉiujara ekspozicio de pentraĵoj aŭ skulptaĵoj de vivantaj artistoj.

4 ⚓ La plej granda ĉambro de ŝipo, destinita por manĝoj ktp.

5 Eleganta, dekoraciita ejo en hotelo aŭ komercdomo, kun difinita uzo: frizosalono, fumsalono, legosalono, montrosalono, tesalono.