PIV 2026 · Artikolo 14792
★sterni
Derivaĵoj en la artikolo 9
★ sterni tr
1 meti ion sur supraĵon, tiamaniere ke ĝi kovru kiel eble plej grandan spacon: sterni litaĵaron sur la planko Z sterni veston sur vojo NT sterni tapiŝon sur kaheloj en la mezo de l’ rondo oni sternis blankan cervan felon B tablotuko estis sternita sur la tablo Z sterni sub si sakaĵon kaj cindron MT mi sternos mian reton kontraŭ li MT
(analoge) sterni tavolon da sterko sur la tero sterninte sub sin kelke da plenbrakoj da seka herbo B sterni pajlon en la stalo sterni florojn sur la strato antaŭ la reĝino la ventego sternis la grenon batis ĝin teren
(figurasence) la suno sternas radiojn siajn en la malluma aleo B la krepusko jam komencis sterni sian kovrilon B
➞ etendi.2 ntr meti tukojn kaj kovrilon super matraco por pretigi liton: kiel oni sternas, tiel oni dormas Z sternu por la gasto en la blua ĉambro ➞ ordofari.
3 meti homon horizontale sur ion, por ke tio estu kovrita de ties korpo: mi sternis la malsanulon sur la lito Z (analoge) miloj da soldatoj estis sternitaj de la bombardado (figurasence) mi ne estis sternita sur rozoj ➞ kuŝigi.
sterni sin metiĝi horizontale por kovri supraĵon: sur la tuta batala linio flava polvo sin sternis kvazaŭ grandega serpento Bmonteto, de kies supro sin sternis antaŭ ili eksterordinara pentraĵo la pejzaĝo B Sin. sterniĝi.
sternado agado sterni: loko por sternado de retoj MT sternado de la lavitaj tukoj sur la herbejo
sternaĵo
1 io sternita: blanka neĝa sternaĵo Z sternaĵo el folioj HLu
2 litaĵo: la infano ĵetiĝadis sur sia malalta sternaĵo Z
3 MATE topologia spaco tia, ke ĉiu punkto havas ĉirkaŭaĵon homeomorfan al eŭklida spaco kaj provizita per mapoj tiaj, ke la transira bildigo 2 de unu mapo 2 al alia ĉiam estas homeomorfio: la aro de ĉiuj ebenoj enhavantaj la originon en tridimensia spaco konsistigas Grassmann-an sternaĵon ➞ variaĵo, mapo, atlaso 2, orientiĝo.
glat1a sternaĵo, deriva sternaĵo sternaĵo 3 tia, ke la transiraj bildigoj de unu mapo 2 al alia estas difeomorfioj.
sterniĝi sterni sin: sub vi sterniĝos vermoj, kaj vermoj estos via kovrilo MT
dissterni disigi ion sternante ĝin: la ruboj de la bombarditaj domoj kuŝis dissternite sur la placoj