PIV 2026 · Artikolo 16354
vakcino
Derivaĵoj en la artikolo 9
vakcino MEDI substanco injektebla aŭ trinkebla, kiu estigas ĉe la organismo imunecon kontraŭ mikroba malsano: ŝi ricevis vakcinon kontraŭ la gripo vakcino enhavas mortigitajn mikrobojn aŭ senfortigitan mikroban toksinon ➞ serumo.
vakcina rilata al vakcino: vakcina kampanjo
vakcini tr injekti vakcinon en iun aŭ doni ĝin al iu tra la buŝo: oni prevente vakcinu la bestojn GBe
vakcinado ago vakcini: nur post la eltrovo de Pasteur de kontraŭrabia vakcinado aperis la eblo savi homojn morditajn de rabia besto VLe
jenera vakcinado vakcinado de brako al brako.➞ Jenero.
pasteŭra vakcinado vakcinado per senfortigitaj kultivaĵoj, ekz. kontraŭantraksa vakcinado. ➞ Pasteŭro.
vakcinilo pinta ilo uzata por vakcinado.
bovina vakcino kontraŭvariola likvo el la pustuloj de mamoj de bovinoj, trafitaj de pokso.
revakcini duafoje vakcini, post difinita tempo, por pludaŭrigi kaj plifortigi la imunecon.
serovakcinado samtempa injekto de antigeno tuj (sed nedaŭre) efika kaj de vakcino daŭre (sed ne tuj) efika.