PIV Reta Vortaro

PIV 2020 · 6476

imun⁴a

1 ( organismo) Denaske aŭ (jen spontane, jen estige) akirinte rezistecon kontraŭ aparta mikrobo, veneno aŭ tokso: imuna kontraŭ HIV; () ankaŭ hungaroj ne estas imunaj de tiu eraro .

2 Ne respondeca antaŭ la leĝo, ŝirmita per leĝa privilegio. eksterteritoria. tabua.

3 Ŝirmita kontraŭ ia difekto, danĝero pro sia konsisto, materialo, konstruiĝo aŭ antaŭpretigo: ligno imuna kontraŭ la fajro; akvimuna, brulimuna, eskalimuna, likimuna, pluvimuna, rustimuna, ŝtelimuna.

imuna sistemo Tuto de la imunaj ĉeloj, histoj, organoj de organismo por sin defendi kontraŭ fremdaj substancoj aŭ vivuloj. antikorpo, imunoglobulino.

imuneco. Stato de imuna organismo.

2 Stato de imuna persono: levi la imunecon de parlamentano.

3 Eco de io imuna.

imunigi. Fari iun aŭ ion imuna: vakcino imunigas kontraŭ variolo. hardi, mitridatizi.

imunigo Ago donanta imunecon jen per vakcinado, jen per injekto de specifa sero.

imuniĝi. Iĝi imuna.

imuniĝo Natura estiĝo de rezista stato, post trafiĝo de iu malsano.

imunologio Scienco pri la imuneco de ĉeloj k vivuloj kontraŭ fremdaj molekuloj aŭ ĉeloj.

hiperimuna ( organismo) Havanta en la sero tre grandan, patologian kvanton de specifaj antikorpoj.

hiperimuneco. Stato de iu hiperimuna.

hiperimunigi. Fari iun hiperimuna: hiperimunigo de besto por produktado de terapia serumo.

hiperimuniĝi. Iĝi hiperimuna.