PIV 2026 · Artikolo 2066
bombo
Derivaĵoj en la artikolo 16
bombo
1 ARME metala ujo, kiu kapablas eksplodi, uzata kiel armilo: bombo ĵetata de aviadilo bombo pafata de specialaj kanonoj teroristoj instalis bombon en aŭto kaj ĝi eksplodis, kiam iu ŝaltis la motoron bombo detruis parton de la dometo FSz ĉu eblus, ke la bombo jam eksplodis? CPi prokrasta bombo RPisubmara bombo eksplodanta sub la marsurfaco ➞ brulbombo, flambombo, flugbombo, fumbombo; bombaviadilo, bombokanono, bomborako, bombotruo.
2 similforma objekto: FIZI kalorimetria bombo GEOL vulkana bombo lafa bloko rond-, pir- aŭ ŝpinil-forma, de ĉ. 1000 cm3 ĝis kelkaj m3, elĵetita el vulkano kaj falinta teren ➞ glaciaĵbombo.
bombi tr ĵeti bombojn sur ion; eksplodigi bombon en iu loko: ili bombis la stacidomon
bombado ago bombi: la bombado daŭris du horojn ➞ bombardi.
atombombo bombo, kiu uzas la energion de la fisio aŭ fuzio de atomkernoj.
brulbombo bombo, kiu eligas flamojn post eksplodo, precipe uzata por bruligi domojn k.s.: divizioj, ekipitaj per aeroplanoj, tankoj, flamĵetiloj kaj brulbomboj SSz Sin. flambombo.
fetorbombo eta ujo, kiu rompite eligas tre malagrablan odoron.
fisia bombo = (prefere) atombombo.
flambombo brulbombo.
flugbombo bombo provizita per aloj.
fumbombo bombo, kiu eligas nur fumon post eksplodo.
hidrogenbombo, H2-bombo fuzia bombo eksplodigata de fisio.
plonĝobombi ARME aviadilo ataki celon per subita flugo aŭ falo laŭ akuta angulo malsupren, ofte por faligi bombon.
tapiŝbombado intensa bombado sur urbon, regionon k.s.
urani1bombo, U1-bombo bombo konsistanta el hidrogenbombo kun ŝelo el ordinara uranio fisiigata de la interna hidrogenbombo.