barok/o

1 🏠 Stilo (en Italio ekde la 16a jc, en cetera Eŭropo ĝis ĉ. 1750), kiu, transpreninte la formojn renesancajn, komplikis la konstrukoncepton, rektajn liniojn kurbigis k ĉion superkovris per ornamaĵoj.

2 ☆ ♧ Artspeco, kontraŭa al la klasikaj idealoj, preferanta temojn kun granda, mistika aŭ erotika emoci-ŝarĝo, ŝatanta la malsobrajn ornamojn, celanta la kontrastojn k surprizefektojn, kiujn ĝi atingas en la skulpturo per prezento de patosaj pozoj, en beletro per uzado de troigaj stilfiguroj (hiperboloj, antitezoj, pintumoj ktp): antikva, gotika, renesanca baroko. ☞ manierismo, rokoko.